Saıası qýǵyn-súrgin qurbandaryn eske alý kúnine oraı «Qazkontent» AQ «Saıası qýǵyn súrgin qurbandarynyń elektrondy derekter bazasy» jobasyn iske qosty, dep habarlaıdy Qamshy aqparattyq agenttiginiń tilshisi.
Bul baza – repressıa jyldarynda qaza tapqan, japa shekken qazaqstandyqtardyń esimderi saqtalǵan tolyq nusqadaǵy elektrondyq resýrs. Ol National Digital History veb-portalynda qol jetimdi.
Bazada 200 myńǵa jýyq adamdardń esimi saqtalady jáne naqty ýaqyt rejıminde jańartylyp otyrady. Bazaǵa UQK muraǵatynda saqtalǵan, sondaı-aq kóptomdyq «Qaıǵy kitaby. Atylǵandardyń tizimi» kitabyndaǵy derekter kiredi.
Onyń ústine, ár paıdalanýshy bazany toltyrýǵa atsalysýyna bolady. Ol úshin repressıa jyldarynda japa shekken týystaryńyz jaıly derekterdi kaz.ehistory@gmail.com poshatsyna jibere alasyzdar.
