Almatynyń aýdanaralyq qylmystyq ister boıynsha mamandandyrylǵan sotynda adam óltirý qylmysy boıynsha kúdiktige qatysty sot úkimi shyqty, - dep habarlaıdy Qamshy aqparattyq agenttigi Tengrinews.kz saıtyna silteme jasap.

Sot 2016 jyldyń 23 naýryzynda kúdikti buryn janjaldasyp qalǵan azamattyń ústine órtengish suıyqtyq shashyp, ot qoıǵanyn anyqtady. Oqıǵa dúkenniń ishinde bolǵan. Osydan keıin kúdikti syrtqa shyǵyp, ot laýlap ketkenshe esikti jaýyp turǵan. Kúdikti oqıǵa ornynan qashyp ketken. 

Denesin kúıik shalǵan azamat oqıǵa ornynda kóz jumǵan.   

Sot sheshimi boıynsha, kúdikti QR QK-niń 99-babynyń 5-bóliginiń 2-tarmaǵy boıynsha aıypty dep tanylyp, 15 jylǵa bas bostandyǵynan aıyryldy. Sottalǵan azamat jazasyn qatań tártiptegi kolonıada óteıdi.

Sot úkimi zańdy kúshine ázirshe engen joq.