Jas jubaılar Daına men Mett Meıger AQSH-tyń Machıgan shtatynyń turǵyndary. Ótken jyly olar ózderiniń qyzdary Lýellanyń dúnıege kelýin asyǵa kútýmen bolǵan. Áıeldiń tolǵaǵy 18 saǵatqa jalǵasqan. Tolǵaq barysynda ana men balanyń dene qyzýy joǵarylap, tynystary jıileı bastaǵan. Nátıjesinde Daına 23 qazan kúni sábıin dúnıege ákelgen.

Jas ana Daına  Facebook paraqshasynda ózi estigen oqıǵany jazǵan bolatyn. Qamshy aqparattyq agenttigi  júrekke áser etetin oqıǵany  oqyrmanǵa usynady. 

"Alǵash shirkeýge  barǵan kezde shirkeý ishinde mısıoner basynan ótkergen oqıǵasymen bólisti. Tyńdap otyryp júregiń qaq aıyrylatyn oqıǵany oqyp eshkimniń eleýsiz qaldyrmaıtyny anyq. Álgi mısıoner Ýgandaǵy balalar úıiniń birinde bolǵan eken. Er adam 100 tósek oryn qatar tizilgen nárestelerdiń bólmesine kirgen. Barlyǵynda dúnıe esigin jaqyn arada ashqan sábıler jatyr. Alaıda 100 sábıdiń bir bólmede jatqanyna qaramastan, shybynnyń yzyńy estiletin tynyshtyqqa tań qalady. Balalardyń kútýshisinen bul tynyshtyqtyń mánin suraǵan mısıoner biraz ýaqyt únsizdikte turyp qalǵan. 

Medbıke mısıonerge qarap: "Bul sábıler bidiń ortalyqqa kelgen sátte saǵattap toqtaýsyz jylaýmen bolady. Kún ótedi, artynsha apta da kelip jetedi. Olardy eshkim kelip jubatpaıtynyn bilgen soń jylaýyn toqtatady" dep jaýap bergen eken.

Olar ózderin eshkimniń izdep kelmeıtinin sezgen sátten bastap jylaýyn toqtatady eken. 

Osy oqıǵany estigen sátte júregim qan jylap, óz sábıime sóz berdim. Ózime sóz berdim. 

Árdaıym janynan tabylamyz dep ýáde ettim. Túngi saǵat 2 bolsyn sábıimniń únin estisem janynan tabylýǵa tyrysamyn. Ol óskende de mańyzdy sheshimdi qabyldaımyn dep qınalmaıtyn bolady. Biz onyń qos tiregimiz. Biz árdaıym janynda bolamyz".

Sholýshy: Aıgerim Taýbaı