AQSH-qa kirý  vızasyn alǵysy keletin álemdegi barlyq elder úshin jańa saýalnama nusqasy daıyndaldy. Iaǵnı vıza alý úshin endi kez-kelgen eldiń azamaty qosymsha taǵy bir blank toltyrady jáne ony toltyrý úshin elshilik qyzmetkerleriniń kómegi kerek bolady. Bul týraly Qamshy aqparattyq agenttigi  sheteldik BAQ-qa silteme jasap habarlaıdy.

AQSH-qa kelgisi keletin azamattar óz áleýmettik jelilerindegi attaryn, elektrondy poshta meken-jaılaryn, telefon nómirlerin jazyp qaldyrýy kerek bolady. Jáne osylardyń barlyǵy sońǵy bes jyl boıy qoldanylǵan bolýy tıis.

Sonymen birge jańa saýalnamada azamat óziniń sońǵy on bes jyldaǵy bıografıasyn jazyp, sol ýaqyt aralyǵynda turǵan jerleri men barǵan jerlerin jazýǵa tıis.  Jańa bastamaǵa qarsy shyǵýshylar bul erejeniń shetelden kelýshi týrıser men stýdentterdi qorqytyp jiberetinin, bul saýalnama jaýap berý óte uzaq ýaqyt alatynyn aıtaqan.

Prezıdent D.Tramp ulttyq qaýipsizdikti kúsheıtý máselesine qatań mán beremin degen ýádesine baılanysty osyndaı erejeler qabyldap jatqan kórinedi.

Sholýshy: Nazerke MUSA