Hırýrg áıeldiń qan ketýin toqtata almady. Sonyń saldarynan áıeldiń eki márte júregi toqtap qalǵan.

Alty balanyń anasy bala bosanǵannan keıin qatty qan ketýden kóz jumǵan. Ony taǵylymger hırýrg operasıa arqyly bosandyryp alǵan. Dárigerdiń kesirinen 45 jastaǵy Rozıde Etvarıdede qan kete bastaǵan. Mundaı jaǵdaı Anglıadaǵy Kroıdne aýrýhanasynda  besinshi ret bolyp jatyr.

Rozıda preeklampsıa aýrýyna shaldyqqan edi. Al egizderdiń biriniń júreginde aqaý bolǵandyqtan dárigerler egizderdi operasıa arqyly alýdy sheshken. Alaıda taǵylymger Latıka Narang qandy toqtata almaǵan.

Dárigerler naqty qansha qan ketkenin durys anyqtaı almady. Sondyqtan qajetti deńgeıden az qan quıylǵan. İshki qan ketýden Rozıdanyń eki márte júregi toqtaǵan.  

«Kómek suraý kerektigin bildim. Alaıda oǵan ýaqyt bolmady. Men jatyrdy aman alyp qalýǵa tyrystym. Alaıda ol áreketimnen túk shyqpady» deıdi Latıka Narang.

Akýsherlik bólimniń dárigerleri áıel kóp qan joǵaltqanyn birden sol ýaqytta habarlaýy kerek edi. Alaıda tek úsh saǵattan keıin ǵana aıtylǵan. Ol ýaqytta Rozıda reanımasıada jatqan.

Rozıda Etvarıde kóz jumǵan aýrýhana otbasyna ótem aqy tóledi. Atalmysh is boıynsha qylmystyq is qozǵaldy. Qazir tekserý jumystary júrgizilip jatyr.

Sholýshy: Ásem Álmuhanbet