Horhe men Karlos egizder. Alaıda bir-birine onsha uqsamaıdy. Horhe symbatty, kóńildi jigit. Al onyń aǵasy iri deneli, kópshiliktiń aldynda sóıleýge uıalatyn uıań jigit.
Olar Kolýmbıa astanasy Bogota qalasyndaǵy mektepke bardy. Oqýdy aıaqtaǵannan keıin ınjener bolyp jumysqa turdy. Jumys ornynda burynnan qyzmet etip júrgen áıel egizderdi kórgende tańqalysyn jasyrmady.
Kelesi kúni ol jumysqa kele jatqan jolda turatyn qasapshyny fotoǵa túsirip Horhege kórsetedi. Ony kórgen Horze óz kózine ózi senbedi. Fotodaǵy jigit ózine qatty uqsaıdy eken.
Fotony dosyna kórsetti. Eshteńeden habary joq dosy «Fotoǵa ádemi túsipsiń» dedi oǵan. Keıinirek ózine qatty uqsaıtyn er adamnyń Facebook-taǵy paraqshasyn taýyp alady.
Onyń esimi Ýılám eken. Áleýmettik jeliden Ýılámnyń janyndaǵy er adamnyń aǵasy Karlosqa qatty uqsaıtynyn kórip tańqalady.
Horhe úıge kelip sýretti aǵasyna kórsetedi. Ekeýi týylǵan sátte shatastyryp alǵan shyǵar dep boljaıdy. Mán-jaıdy anyqtaý úshin anasy bosanǵan perınıtaldy ortalyqqa keledi. Onda olardyń bir kúnde, bir ortalyqta dúnıege kelgeni belgili bolady.
Qanǵa saraptamalyq taldaý jasaǵannan keıin, Horheni ósirgen ata-ana onyń bıologıalyq áke-sheshesi bolyp shyqty. Ol buǵan kúmándanbady. Sebebi Horhe anasy men ápkesine qatty uqsaıdy. Al Karlos otbasy múshelerinen ózgeshelenip turatyn.
Jigitter «aǵaıyndy» Ýılám men Ýılbermen kezdesip, bir-birine kóz ala almaıdy. Aýrýhanada aýysyp ketken aǵaıyndylar bir-birinen aýmaıdy.
Osy kezdesýden keıin olar bir-birimen jaqynyraq tanysyp, jıi kezdesetin boldy. Qazir olar birge úlken páter jaldap turady.
Daıyndaǵan: Ásem Álmuhanbet
