Merıı Keıt pen Vıllı Faýlo osydan 20 jyl buryn tanysqan. Al úılengenderine 12 jyldaı ýaqyt bolypty. Olardyń 2 ortaq balasy bar.
Vıllı qazir 33 jasta, Merıı Keıtpen kezdesip júrgen kezde 6 synyp oqýshysy ǵana bolatyn. Al Merıı Keıt bolsa sol ýaqytta 34 jasta boldy, sonymen birge ol 4 balany tárbıelep otyrǵan, kúıeýi bar turmystaǵy áıel bolatyn.
Merıı Keıt pen Vıllı Faýlo alǵash ret kezdesken ýaqytta Vıllı 2 synypta oqıtyn edi, al 4 jyldan keıin olar jynystyq qatynasqa túsken kórinedi. Ol kezde Vıllı 12 jasta ǵana bolatyn. Qazir 55 jastaǵy Merı Keıt alǵashqy kúıeýimen ajyrasyp, Vıllımen birge bolýy úshin 7 jyl túrmege otyrǵan. Merı túrmeden shyǵa salysymen olar úılengen eken.
Merı alǵashqy balasyn olar jynystyq qatynasqa túsken soń 1 jyldan keıin, al ekinshi balasyn túrmede dúnıege ákelgen.
Osydan biraz ýaqyt buryn olar 12 jyldyq mereı toıyn toılaǵan. Qazirgi ýaqytta Vıllı baq ortalyǵynda, al Merı zańgerdiń kómekshisi bolyp jumys isteıdi. Merı mektepte endi jumys isteı almaıdy, sebebi ol balalardy jynystyq zorlyqqa ıtermelegeni úshin qamalǵan.
Qazirgi ýaqytta olar ajyrasqysy keletinin málimdegen. Olardyń aıtýynsha, ajyrasýǵa sebep bolyp otyrǵan bir-birine degen túsinispeýshilik pen bir-birin qıyn ýaqytta qoldaı almaıtyndyqtary eken.
Bul ǵashyqtardy mahabbat jasqa qaramaıdy dep aqtap alamyz ba, álde mektep jasynan bastap jynystyq qatynasqa túsý soraqylyq deımiz be? Árkimniń óz pikiri, sezimge baılanysty óz oıy bar. Alaıda mektep jasyndaǵy ońy men solyn ajyrata almaıtyn balanyń sezimge berilýi onyń áli aqyl toqtatpaǵanynyń kórinisi bolsa, aqyl toqtatqan áıeldiń bul qylyǵy adam shoshyrlyqtan góri , adam uıalarlyq is dep aıtar edim. Sebebi bala-shaǵasy bar áıeldiń essiz sezimge berilýi aqtap alarlyq dúnıe emes. Bul oqıǵa shetelde bolyp jatqanymen, jaqyn arada bizdiń elde de oryn almasyna kim kepil?! Sheteldegi sánge úıir bolyp júrgen jastarymyz da osyndaı soraqylyqqa barýy múmkin. Sondyqtan ata-ana balasyn mektep jasynan bastap qana emes, mektepke deıin de tárbıelep qadaǵalap júrgeni jón.
Daıyndaǵan : Sabına Ramazan
