Sýrettegi áıeldiń esimi Mıshel Foks, Nú-Iork qalasynyń turǵyny. Onyń úıi, otbasy, turaqty jumysy bar, alaıda kelbetiniń astynda úlken bir qasiretke toly oqıǵa jatyr.

Birneshe jyl buryn Mıshel jas ana atanǵan. Bir kúni keshke balasyn tamaqtandyryp otyrǵan. Janynda kúıeýi jaqynda jasap shyǵarǵan qarýyn qarap otyrǵan. Sol sátte myltyqtyń daýysy shyǵady.

Bytyraly myltyq áıeldiń jarty betin julyp túsedi. Baıqaýsyzda oryn alǵan jaǵaıdyń sońy birshama qıyndyq týdyrǵan. Aýrýhanaǵa jetkizilgen soń dárigerler naýqastyń ómiri úshin kúres júrgizedi. Alaıda bet álpeti qaıta ornyna kelmegen. Eshqandaı plasıkalyq operasıa  áıelge kómektespeıtinin dárigerler málimdegen.

Sol kezde dárigerler Mardjı Gold esimdi sýretshige jiberedi. Sýretshi sılıkonnan tiri adamnyń betiniń sýretin salyp beredi. Sonyń arqasynda áıeldiń betindegi tyrtyqty eshkim baıqamaıdy.

Osy jaǵdaıǵa kináli bolǵan kúıeýimen Mıshel ajyrasyp, qolynda kishkentaı sábıimen jalǵyz qalady. Alaıda Foks ózin jaqsy kóretin basqa er adamdy kezdestirip, qyzyn birge tárbıelep otyr.

Mısheldiń aıtýynsha, ol ózin baqytsyzbyn dep sanamaıdy. 

Sholýshy: Aıgerim Taýbaı