Áýezov aýdanynyń polıseıleri egde jastaǵy adamdardan syrǵalar men alqalaryn julyp alyp júrgen er adamdy ustady, - dep habarlaıdy tengrinews.kz.  İshki ister basqarmasyna belgisiz bireýdiń áshekeı zattardy julyp áketip júrgeni jaıly shaǵymdar kelip túsken. Ońtústik Qazaqstan oblysynyń 1984 jylǵy turǵyny birneshe ret osyndaı qylmys jasady degen kúdikpen ustalyp otyr. Er adamnyń aıtýynsha, ol qarjy jaǵynan qysylǵandyqtan, osyndaı áreketterge barýǵa májbúr bolǵan. "Ol vıdeobaqylaý kamerasy ornatylmaǵan jerlerdi tańdap júrgen. Egde jastaǵy adamdardy kórgende sońynan erip, syrǵalary men alqalaryn julyp, qashyp ketip júrgen. Árıne, egde jastaǵy adamdar onyń sońynan qýyp jete almaıdy. Qýyp jete alsa da, ony ustaı almaıdy.

Birde bir zeınetker áıel úıine kireberis jerde sómkesin qoıyp qoıǵan. Sol sátte er adam vıdeobaqylaý kamerasyna túsip qaldy. Sondaı-aq, er adamnyń osyǵan deıin sotty bolǵany anyqtaldy. Jedel-izdestirý sharalary barysynda ony ustadyq. Kúdikti birneshe qylmysyn moıyndap otyr", - dedi Áýezov aýdandyq İİB basshysynyń orynbasary, polısıa polkovnıgi Qumarbek Kenshinbaev. Qazirgi ýaqytta kúdikti İİD ýaqytsha ustaý ızolátorynda. Sonymen qatar, onyń basqa da qylmystarǵa qatysy jáne sybaılastarynyń bar-joǵy anyqtalyp jatyr.