Almaty bıznes júrgizýge eń qolaıly qala bolyp tirkeldi, dep habarlaıdy Qamshy aqparattyq agenttigi 24.kz-ke silteme jasap. Bul Dúnıejúzilik bank tobynyń jasaǵan Qazaqstanda bıznes júrgizýdiń sýbulttyq reıtıńisiniń nátıjesi.

Aımaqtardaǵy kásipkerlik qyzmetti retteý júıesi tórt negizgi kórsetkish boıynsha baǵalanǵan. Ol kásiporyndy tirkeý, qurylysty júrgizýge ruqsat alý, elektr qýatymen qamtý júıesine qosylý jáne jyljymaıtyn múlikti tirkeý. Baıqaý elimizdegi kásipkerlik eń jaqsy damyǵan 8 qalanyń arasynda júrgizildi. Reıtıńtiń alǵashqy oryndarynda sondaı-aq Aqtóbe, Qostanaı, Pavlodar men Shyǵys-Qazaqstan aımaqtary tursa, Qaraǵandy, Ońtústik-Qazaqstan oblystary men Astana qalasy reıtıńtiń sońǵy satylaryna jaıǵasqan. Mamandardyń aıtýynsha, bolashaqta kásipkerlik klımat elimizdiń barlyq óńirlerinde baǵalanady.

Serik Jumanǵarın, QR Ulttyq ekonomıka mınıstriniń orynbasary: -Bireý birinshi oryn alady, ol degen úlken jumys. Reıtıńte búkil dúnıe júzinen 189 memleket bar. Ol degen ınvestorlardyń sheshim qabyldaýyna, qaıda ınvestısıa salýyna áser etetin, yqpal etetin óte mańyzdy nárse.

Sholýshy: Aıgerim TAÝBAI