Qoǵam qaıratkeri Marat Telibekov Maqsat Úsenovke qatysty usynys aıtty, dep jazady Qamshy aqparattyq agenttigi. Sondaǵy usynysy mynadaı: Qasıetti Oraza kúni Maqsat Úsenovti jappaı qarǵap-sileý.

«Eger zań Úsenovti jazalaýǵa dármensizdik tanytsa, onyń jazasyn Allanyń ózi bersin», dep aıtty Telibekov myrza.

Sonymen qatar, halyq jappaı Úsenovti qarǵap-silese, ol óz jazasyn mindetti túrde alatynyna Telibekov senimdi.

Murat Úsenovtiń jazasyz qalǵanyn eskergen Telibekov premer-mınıstr Saǵyntaevqa Úsenovtiń ólgen kúnin ulttyq mereke etý jóninde usynys aıtty. Sol jyldan bastap Úsenov ólgen kúnde otshashýlar atylyp, kúntizbege taǵy bir qyzyl kún paıda bolsyn degen usynys ta aıtylypty.

Aıta keteıik, óziniń adam tózgisiz áreketteri arqyly Úsenov dúıim jurttyń ashýyna tıip, sóz astyna qalǵan. Budan buryn alty adamdy qaǵyp ketip, bireýi kóz jumǵan. Jaza - 45 táýlik qamaýda. Sonymen qatar, jol apatyna sebepker bolyp, basqa kólikte kele jatqan áıel qatty jaraqattanǵan bolatyn. Jaza - 20 táýlik. 

Qazirgi tańda salyq tóleýden jaltarǵan baıdyń balasy shetelde júrgen kórinedi. 

Sholýshy: Gúlim Jaqan