BJZQ saıtynda Biryńǵaı zeınetaqy jınaqtaýshy qory dırektorlary keńesiniń jańa qurylymy jarıalandy, bul ózgerister týraly aldyn ala eshteńe aıtylmaǵan bolatyn. Dırektorlar keńesi quramy ne sebepten ózgergeni beımálim. BJZQ dırektorlar keńesiniń quramyna kirgenderdiń ishinde «Astana» halyqaralyq qarjy ortalyǵynyń tóraǵasy Qaırat Kelimbetov te bar, muny saıta jarıalanǵan jańartylǵan tizimnen ańǵarýǵa bolady, dep jazady Qamshy aqparattyq agenttigi.

Osylaısha, BJZQ-nyń dırektorlar keńesiniń jańarǵan quramyna «BJZQ» AQ dırektorlar keńesi tóraǵasy, Qazaqstan Respýblıkasynyń Ulttyq bank tóraǵasynyń orynbasary Dına Ǵalıeva, «BJZQ» AQ  dırektorlar keńesi múshesi, jalǵyz aksıonerdiń ókili Qaırat Kelimbetov, «BJZQ» AQ  dırektorlar keńesi múshesi, jalǵyz aksıonerdiń ókili Rýslan Beketaev, «BJZQ» AQ  dırektorlar keńesi múshesi, Qazaqstan Respýblıkasynyń densaýlyq saqtaý jáne áleýmettik damý mınıstrliginiń áleýmettik qamtamasyz etý jáne áleýmettik saqtandyrý departamentiniń dırektory Maırash Qozjanova, «BJZQ» AQ  dırektorlar keńesi múshesi, táýelsiz dırektor Bısenǵalı Tadjıaqov, «BJZQ» AQ  dırektorlar keńesi múshesi, táýelsiz dırektor Qadyrjan Damıtov, «BJZQ» AQ  dırektorlar keńesi múshesi, táýelsiz dırektor Global Sovereign Advisors  seriktestik  basqarýshysy Borıs Borozan jáne«BJZQ» AQ  dırektorlar keńesi múshesi, «BJZQ» AQ basqarmasynyń tóraǵasy Nurbıbi Naýryzbaeva endi.

Abctv.kz-tiń derekkózderine súıensek, BJZQ dırektorlar keńesinen «ATF-Bank» AQ basqarmasynyń tóraǵasy Entonı Espın shyǵyp qalǵan. Qaırat Kelimbetov buǵan deıin Ulttyq bank basshysy bolyp turǵan kezinde BJZQ aktıvterin basqarý jónindegi keńes quramynda bolǵan. BJZQ dırektorlar keńesiniń nelikten ózgergeni belgisiz, abctv.kz qor ókilderinen resmı túsinikteme alýǵa tyrysyp jatyr.

Sondaı-aq Qaırat Kelimbetova BJZQ dırektorlar keńesindegi jumysyn qazirgi jumysymen qatar alyp júre me, ol jaǵy da belgisiz bolyp otyr. Aıta keterligi, BJZQ saıtyndaǵy jańartylǵan tizimdegi eń mańyzdy nárse – ol tek BJZQ dırektorlary keńesi músheleriniń ózgergeni ǵana.

Derekkóz: Abctv.kz