Túrik Respýblıkasy Úkimeti janyndaǵy Túrik yntymaqtastyq jáne úılestirý agenttigi (TIKA) Astanadaǵy «Sharapat» áleýmettik qyzmet kórsetý ortalyǵynda aýyzashar berdi, dep habarlaıdy QazAqparat. Agenttiktiń ókili Álı Ihsan Chaglardyń aıtýynsha, bıylǵy Ramazan aıynda osyndaı qaıyrymdylyq astaryn Qazaqstan boıynsha 5,5 myń adamǵa uıymdastyrý josparlanýda - qarttar úıleriniń turǵyndaryna, eldiń ártúrli qalalaryndaǵy az qamtamasyz etilgen jandar men qarıalar úshin.

«Bizdiń mekemede 12 ulttyń 300-ge jýyq ókili turady. Olardyń 100-ge jýyǵy musylmandar. Olar qarttar men múgedek jandarǵa dástúrli túrde kórsetiletin qamqorlyq úshin elimiz Prezıdentine, Úkimetke jáne Astana ákimdigine sheksiz alǵys aıtady. Menińshe, bizdiń memlekette qarıalar men múgedekterge qarym-qatynas erekshe. Mine, búginde osyndaı is-sharany uıymdastyrýshylarǵa alǵystaryn bildirýde. Aýyzashardy buǵan deıin birneshe meshit pen kásipkerler uıymdastyrǵan bolatyn. Búgin ony TİKA túrik agenttigi qolǵa aldy», - dedi Ortalyq dırektory Kenjebolat Bápishev. İs-sharaǵa sondaı-aq Túrki Respýblıkasy Elshiligindegi Bilim jáne ǵylym mınıstrliginiń ókili Mustafar Qalqan da qatysty. Ol Ortalyq turǵyndaryn Ramazan aıymen quttyqtap, olarǵa izgi-tilekterin bildirdi.