Áleýmettik jelide Qostanaı oblysynda bolǵan daýyldyń sýretteri men vıdeolary tolassyz jarıalanýda. Bul jaıynda Qamshy aqparattyq agenttigi alau.kz saıtyna silteme jasap habarlaıdy.

Qostanaı-2 mıkroaýanynda quıyndaı jel soǵyp, jaýyn-shashyn, burshaq jaýǵan. Kýágerlerdiń biri jibergen vıdeoda daýyldyń ǵımarattar men úı shatyrlaryn qalaı qıratyp jatqany kórinedi.

«Aıaq astynan burshaq jaýyp, daýyl tura bastady. Qatty qorqyp kettik. Al daýyl men burshaqtan keıingi aýdannyń túrin kórý tipten de qorqynyshty», - deıdi jergilikti turǵyndardyń biri Kúlásh Almaǵambetova esimdi áıel.

Esterińizge sala ketsek, 8 mamyr kúni Qostanaı oblysynda quıyndaı soqqan daýyldyń saldarynan birneshe úıler qırap, kósheler ózen arnasyna aınalǵan bolatyn.

Sholýshy: Nazerke Labıhan