Burynǵy kezde úndi fılmderi óte kóp kórsetilim jınaıtyn edi. Qazir de úndi eliniń fılmderi damyp kele jatyr. Alaıda burynǵydaı emes, ózgergen. Bollıvýdttyq fılmderdi kórip ósken halyq sol kezdegi akterlerdi áli kúnge deıin esten shyǵarǵan joq.
Osydan birneshe jyl burynǵy «Tansor Dısko», «Zıta men Gıta» sekildi álemge áıgili fılmderdiń akterleriniń qazirgi ómiri kópshilikti qyzyqtyratyny sózsiz.
Amıtabh Bachchan qazir 74 jasta. Ol akter, telejúrgizýshi, tipti saıasatker bolyp ta qyzmet atqarady. Ol kıno salasyna sińirgen eńbegi úshin Úndistanda túrli marappattaýlar berilgen. Ol «Kek pen jaza»(Mestı zakon) atty fılm arqyly ataqty bola bastaǵan. Ol áli kúnge deıin túrli fılmderge túsip júr.
Mıthýn Chakrabortı qazir 67 jasta. Ol 1982 jyly «Tansor dısko» fılmine túskennen keıin álemge áıgili boldy. Atalǵan fılm álemdik klasıkaǵa aınalyp, Mıthýn Chakabortı kóp qyzdardyń súıiktisine aınaldy. Sol fılmnen keıin ol 365 fılmge túsken eken.
Rekha qazir 62 jasta. Ol óz shyǵarmashylyǵyn 12 jasynan bastaǵan eken. Tipti túsirilimderge úlgerý úshin oqyp jatqan mektebin de aıaqtamaı tastap ketken. Keıin ol akter Amıtabh Bachchanmen tanysyp, birge júredi. Alaıda akter óz otbasynan tastap kete almaıdy, sonymen birge Rekhadan da aırylǵysy kelmeıdi. Osy oqıǵaǵa baılanysty halyq eki túrli pikirde edi. Biri olardyń úılengenin qalasa, biri Amıtabhanyń kóńildesin talqylap, jek kóretin.
Alaıda Rekha áli kúnge deıin turmysqa shyqpaǵan kórinedi.
Rakha Gýlzar qazir 70 jasta. Ol birneshe fılmderge bir ýaqytta túsip júrgende, sharshap, kúızeliske túsipti. Keıin ol óz shyǵarmashylyǵyn ýaqytsha toqtady. Oǵan sebep onyń júıke júıesin juqarýy eken. Biraq onyń daryndylyǵyna súısingen prodússerler men rejıserler ony birneshe márte fılmge túsýge shaqyryp, kóndirgen kórinedi. Ol shyǵarmashylyǵyn jalǵastyrmas buryn kúıeýimen ajyrasyp ketedi.
Shrıdevı qazir 54 jasta. Ol 4 jasynan bastap kınoǵa túse bastaǵan. Ol Balıvýdtaǵy eń tanymal aktrısa atanǵan. Biraq 1997 jyly ómirin óz otbasyna arnaý úshin shyǵarmashylyǵynan bas tartady. Qazir ol kınoprodússer bolyp fılm túsirýdi josparlap júr.
Hema Malını qazir 68 jasta. Ol bılegendi qatty jaqsy kóretin. Kıno salasyna da alǵashynada epızodtyq rólde bıleý úshin kelgen eken. Onyń daryndylyǵyn baıqaǵan rejıser oǵan kınoǵa túsýge usynys jasaıdy. Ol Gıtanyń rólin somdaý arqyly ataqty boldy. Ol Bollıvýdta Dharmendra atty jigitpen tanysyp, aralasyp júredi. Alaıda ol jigit buryn úılengendikten Hemanyń ákesi qyzyn turmysqa berýge qarsy bolǵan. Hemaǵa kóptegen ataqty akterler usynys jasasa da, olardyń usynysyn qabyldamaǵan. Ol birneshe jyl boıy óziniń qazirgi kúıeýi bolǵan Dharmendrany kútip júrgen. Úmiti aldamady, qazir olar baqytty otbasy retinde búkil Úndistanǵa úlgi boldy.
Aýdarǵan: Ásel Óteshova
