Shotlandıadaǵy Epıskop shirkeýi bir jynystylaryń nekelerin maquldaýdy daýysqa salǵan. Epıskop shirkeýi Ulybrıtanıadaǵy mundaı sheshimdi qabyldaǵan alǵashqy shirkeýlerdiń biri, dep habarlaıdy sheteldik BAQ. 

Shirkeýdiń sınody bul bastamany qoldaýdy jón sanapty.

Sınodtyń sheshimi boıynsha, shirkeýde neke qıý tek gomoseksýaldarǵa ǵana emes, shirkeýdiń kez-kelgen izbasarlaryna ruqsat etilgen.

«Endi birjynysty juptar shirkeýde qudaıdyń aldynda nekelesedi, bir-birine ant beredi», - dedi shotlandıalyq Epıskop shirkeýiniń bas ıerarhy Devıd Chılıngvort.

Sınodtyń sheshimin LGBT qaýymdastyǵy da qoldady.

«Shirkeý qyzmetkerleri bul sheshimderi arqyly LGBT qaýymdastyǵyna qurmetpen qaraıtyndaryn kórsetti», dedi Stonewall Scotland uıymynyń basshysy Kolın Makfarleın Reıter agenttigine bergen suhbatynda.

Bir jynysty neke Shotlandıada 2014 jyly maquldanǵan, alaıda shirkeýleriniń birde-biri bul sheshimge qoldaý kórsetpegen bolatyn. Qarsylyq tanytqan shirkeýlerdiń basynda shotlandtyq jáne Rım katolık shirkeýi boldy.

Sholýshy: Gúlim Jaqan