Almatylyqtar shet tilin tegin úırenetin boldy. Oqý sabaqtary saıabaqta ashyq aspan astynda ótedi, dep habarlaıdy QazAqparat. «Tilder Saıabaǵy - Park Iazykov - Language Park» tilder kýrsynda kez-kelgen adam aǵylshyn, qazaq tilderin úırenetin bolady. Sabaqtar 21 kúnge sozylady aptasyna úsh ret ótedi.

Bilim alamyn deýshilerge Abylaı han atyndaǵy Qazaq memlekettik shet tilderi jáne halyqaralyq qatynastar ýnıversıtetiniń 5 túlegi tálim bermek. «Birinshi sabaqta shákirtterdiń bilim deńgeıine qaraı topqa bólip, «Elementary», «Beginner» toptarymen jumys jasaımyz. Kýrs bitken soń barlyq qatysýshylarǵa arnaıy sertıfıkat beriledi», - dedi Áıgerim Shákim.''

Bir aıta keterligi, sabaqtar ashyq aspan astynda jasyl jelek ústinde ótedi. Kelemin deýshilerge esik ashyq. Keıbir azamattar óziniń otbasyn túgel alyp kelgen. «Men nemis tiliniń mamanymyn. Biraq memlekette úsh tildi damytý saıasaty júrip jatqasyn, tym bolmasa bastaýysh aǵylshyn bilimim bolsyn degen oımen keldim. Ózimmen birge 5 balamdy alyp keldim», - dedi Gúlmıra Daırabaeva.