Ata-anasy balalarynyń jáı ǵana ishi ótip júr dep oılaǵan. Alaıda, jedel járdem shaqyrǵannan soń bári de kesh boldy, dep habarlaıdy Qamshy aqparattyq agenttigi Life.ru saıtyna silteme jasap.

Fransısko Delgado esimdi balaqaı óziniń otbasymen birge Tehas-Sıtı bógetiniń janyna shomylýǵa barǵan. Úıinen oralǵannan keıin balanyń ishi aýyra bastaǵan.

Ata-anasy alǵashynda bala ýlanyp qaldy dep oılaǵan, keıinnen Fransıskonyń bir apta boıy ishi ótip, qusyp, mazasyzdanǵan.

Ýaqyt ótken saıyn balanyń jaǵdaıy nasharlaı bastaıdy. Bir kúni Fransısko túnde oıanyp alyp, qatty aýyrǵandyǵyn aıtyp aıqaılaǵan. Ákesi dereý jedel járdem shaqyrǵanymen bári de kesh boldy. Dárigerlerdiń aıtýynsha, ókpeleri sýǵa tolyp qalǵandyqtan balada qurǵaq tunshyǵý bolǵan. Mundaı jaǵdaıǵa kóbinde kishkentaı búldirshinder tap bolady eken. 

«Balamnyń ólgenine áli de sene almaımyn», - deıdi balanyń anasy Tara Delgado.

Sholýshy: Nazerke Labıhan