Búgin QR Investısıalar jáne damý mınıstri Jeńis Qasymbektiń buıryǵymen Lastaev Talǵat Tileýbekuly QR IDM Azamattyq avıasıa komıtetiniń tóraǵasy bolyp taǵaıyndaldy dep jazady Qamshy.kz.
Talǵat Lastaev 1980 jyly Shyǵys Qazaqstan oblysynda dúnıege kelgen. 
Bilimi joǵary. Shyǵys Qazaqstan oblysynyń memlekettik ýnıversıtetin, QR Prezıdenti janyndaǵy Memlekettik basqarý akademıasyn támamdaǵan. Ekonomıka ǵylymdarynyń kandıdaty. 
Eńbek jolyn «Qazagroónerkásip banki» AAQ Shyǵys Qazaqstan oblystyq fılıalynyń mamany bolyp bastady. "Qostanaı qus" AAQ jabdyqtaý jónindegi bas maman, "Qostanaı qus" AAQ jabdyqtaý bóliminiń bastyǵy, "Qostanaı qus" AAQ vıse-prezıdenti, "Cheremshanka qus fabrıkasy plús" JSHS dırektory qyzmetterin atqarǵan. 
2008 jyldyń aqpan aıynan bastap Qazaqstan Respýblıkasy Kólik jáne komýnıkasıa mınıstrligi Kólik-kommýnıkasıa keshenin damytý departamentiniń avtomobıl joldaryn damytý basqarmasynyń bastyǵy, 2008 jyldyń shilde aıynan Qazaqstan Respýblıkasy Kólik jáne komýnıkasıa mınıstrliginiń Avtomobıl joldary komıteti sapany baqylaý basqarmasynyń bastyǵy boldy. 2009 jyldyń maýsym aıynan bastap Qazaqstan Respýblıkasy Kólik jáne komýnıkasıa mınıstrligi Azamattyq avıasıa komıteti tóraǵasynyń orynbasary bolyp qyzmet atqardy. 2014 jyldyń qazan aıynan beri Qazaqstan Respýblıkasy Investısıalar jáne damý mınıstrligi Azamattyq avıasıa komıteti Tóraǵasynyń orynbasary qyzmetin atqaryp keldi.