Astana EXPO-2017 basshylyǵy Qazaqstan kórmege qansha qarjy jumsaǵanyn jarıalady dep jazady Qamshy.kz  Sputnik.kz aqparatyna silteme jasap.

«Astana EXPO-2017» ulttyq kompanıasynyń basshysy Ahmetjan Esimov kórmege shamamen qansha qarjy jumsalǵan jarıalaǵan. Alaıda naqty somany aıtpaǵan.

«Bul joba qanshaǵa túskenin aıtý áli erte. Ony mindetti túrde aıtamyz. Biraq búgingi kúni shamamen 400 mıllıardtan astam qarajat jumsalǵanyn aıta alamyz. Buǵan nysandardy qurylysy, is-sharalar, bári kiredi», —  degen Esimov baspasóz máslıhatynda. 

Kórmede álemniń úzdik tehnologıalary men tájirıbesi, balamaly energıa kózderin paıdalaný salasyndaǵy jetistikter pash etiledi.  115 memleket, onyń ishinde AQSH, Qytaı, Ulybrıtanıa, Fransıa, Germanıa, Reseı, Japonıa, Ońtústik Koreıa sekildi elder bar, sondaı-aq 22 halyqaralyq uıym EKSPO-2017 kórmege qatysatynyn resmı túrde rastaǵan.

Aıta ketsek, Esimov bir suhbatynda EKSPO-ǵa basshy bolyp kelgende qurylys alańynda tek beton plıtalary ǵana bolǵanyn aıtqan edi. Esimov «Biz alty jyldyń jumysty 21 aıda atqaryp tastadyq», — dep maqtanǵan.

Osy suhbatynda «Biz tipti 300 mlrd teńge únemdedik», – degen Esimov, ul qarajattyń kún panelderiniń salynbaı qalǵanynyń arqasynda únemdelgenine toqtalmaǵan edi.

Ahmetjan Esimov «Astana EKSPO-2017 UK» AQ basqarma tóraǵasy qyzmetine 2015 jyly 9 tamyzda taǵaıyndalǵan bolatyn.