Almaty oblysynda bir otbasynyń músheleri qazylǵan shuńqyrǵa qulap ketip qaza tapty. Bul týraly Qamshy aqparattyq agenttigi «Kazınform»-ǵa silteme jasap habarlaıdy.
Oqıǵa Qarasaı aýdany Qyrǵaýyldy aýylynda 6 maýsymda saǵat 9-dar shamasynda oryn alǵan. 10 jastaǵy qyz dárethana shuńqyryna qulap ketken. Oǵan kómekke kelgen 50 jastaǵy er adam men 24 jastaǵy qyz da shuńqyrǵa túsip ketken.
Úsheýi de oqıǵa ornynda qaza tapqan. Belgili bolǵandaı, qaza tapqandardyń denelerin kórshileri shyǵaryp alǵan. Resmı emes derekterge súıensek, 10 jastaǵy qyz dárethanaǵa uıaly telefonyn qulatyp alyp, ony almaqshy bolǵan.
Sholýshy: Nazerke MUSA
