Túrkıalyq arheologtar 7,5 myń jyl tarıhy bar burǵyny tapty. Anatolıı agenttiginiń habarlaýynsha ǵalymdar bul burǵyny Aqtopraqlyq qorǵanyn qazý barysynda tapqan.  Aqtopraqlyq Býrsa aımaǵynyń soltústik-batysynda ornalasqan dep habarlaıdy Qamshy aqparattyq agenttigi TASS málimetine súıenip.

Arheologtar bul aýdanda 2004 jyldan bastap izdeý jumystaryn júrgizýde. Al tabylǵan barlyq qundy jádigerler ashyq aspan astyndaǵy mýzeı-saıabaqqa ótkiziledi. Ashyq aspan astyndaǵy mýzeı-saıabaqqa kelýshiler halyqtyń ertedegi turmysymen tanysýǵa úlken múmkindik jasalǵan.

Arheologtar tapqan «burǵyda» kremnıı tasy alasa taıaqshaǵa baılanǵan. Kremnıı tasynyń baılaný sebebi bar. Sol kezdegi kúndelikti eńbekke paıdalanylatyn tastardyń ishinde eń myqtysy kremnıı bolǵan.

«Osy tektes kremnıı tastary qazirgi kúndegi burǵy men shegeni buraǵyshtardyń ertedegi nusqasy», -dep málimdedi  Ystambul ýnıversıtetiniń arheologıa fakúltetiniń qyzmetkeri.

Eski qurylǵyny teksere kele ǵalymdar bul qurylǵy túrli áshekeıler, monshaqtar  jasaýǵa paıdalanylǵan degen sheshimge keldi.

Aýdarǵan: Aıgerim TAÝBAI