Qazaqstandyq rejıser Baqtıar Islamovtyń "Tam, gde jıvet Edıp" qysqametraj fılmi Avstrıanyń Lensıng qalasynda ótken 45-shi Halyqaralyq Festival of Nations kınofestıvalinde "Úzdik eksperımenttik fılm" júldesine ıe boldy, - dep habarlaıdy Qamshy aqparattyq agenttigi Tengrinews.kz saıtyna silteme jasap.
Fılm prodúseri Dará Korneevanyń aıtýynsha, kartına Almaty oblysynda túsirilgen. Fılmniń rejıseri, avtory ári qoıýshy operatory - Baqtıar Islamov. Qazylar alqasynyń aıtýynsha, fılmdegi kadrlarda erekshe aıqyndyq bar. Sondaı-aq, osy fılmniń festıválde usynylǵan qazaqstandyq jalǵyz fılm ekeni aıtylady. Osylaısha, Qazaqstan alǵash ret "Úzdik eksperımenttik fılm" júldesin jeńip alyp otyr.
Aıta keteıik, Festival of Nations - Avstrıadaǵy komersıalyq emes qysqametraj fılmderdiń festıvali. Ol UNICA uıymynyń jáne Avstrıa úkimetiniń qoldaýymen ótkiziledi. Jyl saıyn kınofestıvalge qatysýǵa álemniń 55 elinen 1 000 ótinish kelip túsedi. Kınofestıvaldiń ereksheligi - barlyǵy kınony kórip bolǵan soń qazylar alqasy ony kınematograftarmen talqylaıdy. Bıyl Germanıa men Avstrıanyń prodúserleri ári rejıserleri qazylar alqasy retinde kelse, Unica prezıdenti Deıv Voterson festıváldiń qurmetti qonaǵy boldy.
Baqtıar Islamov 31 jastaǵy aqyn, kınorejısser, qysqametraj fılmderdiń avtory. Onyń "Nebo nad Berlınom moego detstva "(2015 jyl) fılmi Nú-Iorktegi festıválde (12th Harlem International Film Festival) eki ret júlde alǵan. Sondaı-aq, rejıser Los-Andjeleste ótken Los Angeles World International Film Festival baıqaýynda júldeli bolǵan.
