Ár kún saıyn álemde adam óltirý, aıaýsyz uryp-soǵý sekildi túrli sumdyq oqıǵalar oryn alýda. Al, eń qatigez qylmyskerler – óziniń jaqyn adamdaryna qastandyq jasaǵan adamdar.

2002 jyly bir amerıkalyq otbasyda anasy balasyn peshke salyp kúıdirgen. Robert Smıt óz qyzynyń qyzyp turǵan peshtiń ishinde jatqanyn kórip, dereý kómekke júgirgen. Ol kezde bala 14 aılyq bolatyn. Saldarynan Eshlı esimdi búldirshin 3-shi dárejeli kúıik shaldyrǵan, dep habarlaıdy Qamshy aqparattyq agenttigi sheteldik BAQ-qa silteme jasap.

Qyzdyń anasy Melıssa Raıt peshtegi temir tabalardyń barlyǵyn alyp tastap, eń joǵary temperatýrada qyzdyrǵan. Keıinnen sonyń ishine óziniń qyzy Eshlıdi salyp qoıǵan. Óziniń bul qylyǵyn polısıa bólimshesinde aıaq astynan bolǵan jaǵdaı dep túsindirdi. Keıinnen, belgisiz bir tylsym daýystar oǵan qyzyn peshke sal dep ámir etkendigin, sol dybystardy estigendigin aıtqan.

Melıssa Raıt 25 jylǵa bas bostandyǵynan aıyryldy, al kishkentaı Eshlı 10 jyldyń ishinde 28 otany basynan ótkergen.

Búginde Eshlıdiń jasy 15-te, ol endi ǵana mektep tabaldyryǵyn attamaqshy. Ol óziniń anasyn keshirgen: «Men Melıssany keshirdim. Ony jekkórmeımin de, jaqsy da kórmeımin», - deıdi ol.

Melıssa Raıt merziminen erte bosap shyǵýǵa aryz bergen, alaıda sot oǵan qarsylyq bildirdi. Onyń Kortnı esimdi úlken qyzy, Eshlıdan 8 jasqa úlken, anasyna raqymshylyq etýdi suraǵan. Anasy barlyq psıhıkalyq aýytqýshylyqtarynan arylyp, tolyq qalypqa túskendigin de aıtqan bolatyn. Alaıda, Eshlı buǵan túbegeıli qarsy bolǵan. Onyń aıtýynsha, Melıssa óz jazasyn tolyqtaı ótep shyǵýy qajet, sonymen qatar Eshlı bolashaqta da óz anasyna senim artýdan qorqady eken.

Sholýshy: Nazerke Labıhan