1881 jyly Sara Vınchester esimdi áıel sol jaldarda eń aýqatty, baı áıelderdiń biri bolǵan. Ol Olıver Vınchester esimdi oılaptapqysh adamnyń ulyna turmysqa shyqqan. Onyń uly Ýılám qarý-jaraq shyǵaratyn magnat bolǵan. Sara barlyq baılyqty kúıeýiniń mırasqory retinde ıelenedi. Sol kezde onyń jaǵdaıy 20,5 mıllıon dollarǵa baǵalanǵan.
1884 jyly Sara medýımniń (paralel álemmen baılynys ornata alatyn adam) qabyldaýynda bolady. Onda kúıeýiniń árýaǵymen sóılesipti-mys. Kúıeýi Ýılám oǵan ózine túsken qarǵys týraly aıtqan eken. Kúıeýiniń ólimi, týǵan qyzdarynyń ólimi barlyǵy- Ýılámnyń ákesine ol shyǵarǵan qarýdyń kesirinen ólgen adamdardyń qarǵysy kelgen. Kúıeýiniń osy árýaqtardyń qarǵysyna ushyraǵandyǵyn túsindirgen.
Ýılám Saraǵa jańa úı satyp alyp úıdi árýaqtar áıelin taýyp kek qaıtara almaıtyndaı etip salýyn suraıdy.
Osydan keıin Sara San-Hose degen jerde ǵımarat satyp alyp, jumysshylardy jaldap ony ózgerte bastaǵan. Eshqandaı arhıtektorlardyń qyzmetterine júginbegen.
Kún saıyn ol paralel álemmen baılanysqa shyǵyp, kúıeýinen nusqaýlar alyp keıin ony jumysshylaryna aıtyp berip otyrǵan desedi.
Saranyń jumysshylaryna aıtqan nusqaýlary ertesinde-aq tez ári jıi ózgeriske ushyrap otyrǵan.
Alaıda onyń jumysshylary qalyptydan 1,5 ese kóbirek qarajat alyp otyrǵan. Sondyqtan da qyzmetkerler áıel ne aıtsa da oryndaıtyn bolǵan.
Nátıjesinde 7 qabatty jekejaı úı salynǵan. Keıin jer silkinisi saldarynan birneshe ústińgi qabattar qurtylǵan. Jalpy úıde 300 bólme, 13 jýynatyn bólme, 2 bal zaldary, 6 as úı, 47 alaýoshaq, 2 jertóle, 3 lıft bolǵan. Sonymen birge barlyǵy 2000 esik bolǵan.
Búgingi kúni úlken úıden 4 qabat pen 160 bólme ǵana qalǵan. Eń qyzyǵy úıde eshqaıda aparmaıtyn esikter óte kóp. Osylaı áıel óziniń izinen túsken jyndar men árýaqtardy adastyrmaqshy bolǵan eken.
Úıdiń tóbesine aparatyn baspaldaqtar da osy sebeppen jasalǵan.
Terezeler árdaıym kóshege qaramaǵan. Kóp jaǵdaıda terezelerden kelesi bólmeler kóringen.
Soǵan qaraǵanda, kelesi bólmedegi elestiń kele jatqanyn kórý úshin jasalǵan bolýy kerek.
Mynaý Saranyń ózge álemdegi keńesshilerimen sóılesetin «kók bólmesi».
Sara kóp uıyqtamaǵan desedi. Ár túni saǵat 2:00-de ony qońyraý dybysy oıatatyn kórinedi. Áıelge 13 sany qatty unaǵan eken. Búkil úıdiń ishinde 13 sanyn barlyq zattardyń ústinen tabýǵa bolady.
1922 jyly Sara qaıtys bolǵan soń óziniń artynda baǵaly zattar qaldyrǵan. Qaıtys bolǵan áıeldiń seıfinen kúıeýi men qyzynyń shash talshyqtary tabylǵan.
Búgingi kúni Vınchesterler úıi- asa tanymal týrısik uıym.
Daıyndaǵan: Nazerke MUSA
