Atestattaý qorytyndysy boıynsha jergilikti jáne ortalyq atqarýshy organdardan 14 maman jumystan shyǵaryldy. 71 qyzmetshi óz laýazymynan tómendetildi. Sondaı-aq, 381 qyzmetshiniń biliktiligine saı qyzmetin joǵarylatý usynyldy. Al qalǵandary atqaryp otyrǵan laýazymyna sáıkes dep tanyldy, dep habarlaıdy Qamshy aqparattyq agenttigi QazAqparattyń málimetine súıenip.

Búgingi kúnde tómendetýge usynylǵandardyń ishinde oblystyq jumyspen qamtý jáne áleýmettik baǵdarlamalar basqarmasynyń burynǵy basshysy Qanybek Aıtjanov bar. Endi ol budan bylaı basqarma basshysy emes, Jambyl aýdany ákiminiń orynbasary laýazymyna tómendetildi. Al oblys boıynsha 27 adam atestattaýdan túrli sebepterge baılanysty ótken joq.

Basym bóligi sol sáttegi densaýlyq jaǵdaıyn alǵa tartqan. Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttiginiń Almaty oblysy boıynsha departamenti baspasóz qyzmetiniń ókili Symbat Israpýlovanyń aıtýynsha, 27 adam jyl sońyna deıin synaqty tapsyrýy tıis.

Sholýshy: Aıgerim TAÝBAI