Osydan birneshe kún buryn Taraz qalasynda «Memlekettik tildi oqytý ádisnamasyn jetildirý men standarttaýdy iske asyrý joldary» taqyrybynda respýblıkalyq onlaın semınar ótken bolatyn. Atalǵan onlaın semınarǵa qatysty qazaq tilin oqytý ádistemeleri jaıynda Qyzylorda oblysynyń tilderdi oqytý ortalyǵynyń oqytýshysy Ásel Manasqyzynyń pikirin bildik.
«Memlekettik tildi oqytý ádisnamasyn jetildirý men standarttaýdy iske asyrý joldary» taqyrybynda ótken respýblıkalyq onlaın semınar negizsiz uıymdastyrylǵan joq. Bul onlaın semınar QR-daǵy tilderdi qoldanýdyń 2011-2020 jyldarǵa arnalǵan memlekettik baǵdarlamasynan bastaý alady. Biz osy ýaqytqa deıin qazaq tiliniń jetildirý baǵytyndaǵy ádistemesi jasap, jıyndar ótkizip júrgen bolsaq, endi solardyń bir jınaqtalǵan negizin jasaýǵa kóshtik. Qazaqstanda alǵash ret tilderdi jetildirýge baılanysty onlaın semınar ótkizildi. Formaty da erekshe. Atalǵan onlaın semınar qarjy jaǵynan alyp qaraǵanda óte tıimdi bolyp keledi. Sebebi, 100 adamdy shaqyryp semınar ótkizý qanshama qarajatty talap etedi? Bul memleketke biraz shyǵyn bolar edi. Osyndaı onlaın semınar ótkize alatyn 10 jyldyq tarıhy bar ortalyqtardyń biri Taraz qalasynda», -dep óz pikirin bildirdi Ásel Manasqyzy.
Sonymen birge onlaın semınar jylyna 4 ret ótkizilip otyrady eken. Taraz qalasynda ótken onlaın semınarda 12 memlekettik organ ǵana qatysa alǵan. Eger qatysamyn deýshiler bolatyn bolsa qatysýshylar sanyn arttyrýǵa bolady dep te aıtyp ótti.
Ásel Óteshova
