Kez-kelgen adam ómirinde túsiniksiz emosıalyq jaǵdaıdy bastan keshirýi múmkin. Óziniń qandaı sezimderdi bastan keshiretinin, neni qalaıtynyn túsinbeı dal bolyp jatatyny taǵy bar. Ásirese, mahabbat emosıasyna qatysty uzaq ýaqyt bas qatyrýǵa bolady.  

Keıde tipti ómirdegi qalpymyzdy joǵaltyp, kimmen aralasyp júrgenimizdi, kimge kerek ekenimizdi bilmeımiz. Biz úshin jáne siz úshin kimniń qanshalyqty mańyzdy ekenin qalaı bileýge bolady degen suraq týady. Osy suraqqa jaýap berip kóreıik.

-Bilesiń be,-deıdi bireý, -men 5 birdeı áıelmen qarym-qatynastamyn. Biraq olar meni sharshatty. Qaısysyn tańdaryn bilmeı júrmin. Qalaı tańdaý jasasam bolady?

-SHyndyqty barlyǵyna jaıyp sal-deıdi álginiń joldasy.

-Qalaı sonda, shyndyqty?

-Bylaı: ózińdi erkin sezin. Ár qaısysyna bir-biri týraly aıtyp ber.

-Bul kómektese me?

-Jasap kór

Kelesi kezdeskendegi ekeýiniń dıalogy:

-Qalaı boldy? Meniń keńesimniń kómegi boldy ma?

- Óte jaqsy keńes berdiń. Shynaıy bolyp, bar shyndyqty aıtqanymda eki áıel birden ketip qaldy. Jaraıdy dedim. Mańyzdy emes. Úsheýi qaldy. Qyzyqtyń barlyǵy osy kezde bastaldy. Baıqaǵanym, barlyǵymen birdeı shynaıy bola almaıdy ekenmin. Bireýine barlyǵyn aıta aldym, ekinshisine tek jartysyn, al taǵy bireýine tipti eshteńe aıta almadym. Bireýine ekinshisi týraly barlyǵyn aıtyp bere alsam, ekinshisine taǵy bireýi týraly aıta almadym. Aqyr aıaǵynda jalǵyz bireýine ǵana barlyǵyn aıtyp bere alatynymdy túsindim. Biraq ol týraly eshkimge aıtqym kelmeıtinimdi ańǵardym.

-Mine, sol áıel qalǵan ǵoı endeshe.

-Dál solaı, bul keńestiń mundaı nátıje bererin kim oılaǵan.

Shyndyq -bul sezimniń kórsetkishi. Ol bizge qajetsiz adamdardy birden saralap, ketiredi. Kez-kelgen jaǵdaıda. Adam shynaıy bola almaıtyn jandarmen qarym-qatynasyn úzgeni jaqsy. Al múldem ózgege ol  týraly aıta almaıtyn adamdar da bolady, olarǵa adam baýyr basyp qalady. Mine bizge qajetti adamdar osylar.

Daıyndaǵan: Nazerke MUSA