Serik Saǵyndyqovtyń sózine sensek, onyń kórmege alǵan bıletteri men aqshasyn astanalyq taksı júrgizýshisi qoldy etken. Jynysyn aýystyrǵan erkek polısıaǵa shaǵymdanǵanymen, ondaǵylar báleniń bári qyztekeniń ózinen dep otyr. Sóıtip ózi kúdiktige aınalyp shyǵa kelipti. Bul týraly  KTK  habarlaıdy. 

28 jastaǵy transeksýal jynysyn aýystyrǵanymen, qujat boıynsha aty jóni - Serik Saǵyndyqov. Aıtýynsha, tańerteń taksı ustap úıine barmaq bolǵan. Biraq, qyztekeni páterine jetkizgen júrgizýshi, Seriktiń baǵaly zattaryn tartyp alyp, kúsh kórsetipti.

Serik Saǵyndyqov:

-Taksıshi tartyp alǵan ámıanda 900 dollor men teńgedeı aqsha bolǵan. Ári «Ekspo» kórmesine satyp alynǵan bıletter bar edi. Uıaly telefon men jeke kýáligimdi de alyp ketti.

Aqshasy men qujatynan aıyrylǵan transgender keıin 102-ge qońyraý shalyp, bolǵan jaıtty aıtqan. Tártip saqshylary taksıshini birden ustapty. Biraq, artynan túk bolmaǵandaı jibere salǵan.

Serik Saǵyndyqov, transseksýal:

-Esil aýdandyq ishki ister bólimine bardym. Aryzymdy ondaǵylar qabyldamaı qoıdy. Urlanǵan aqshamdy bólisip alyp, taksıshini jibere salǵan. Kerisinshe, meni uryp soǵyp, qolyma kisen salyp, birneshe saǵatqa qamap tastady. 

Al, telefon, qujattyń barlyǵy bólimshede qalyp qoıypty. Búgin Serik sony alýǵa barǵan. Sóıtse, tártip saqshylary da qyztekeni izdep júr eken. Óıtkeni, barlyq daý taksı júrgizýshisinen emes, osy transeksýaldyń kesirinen shyqqan deıdi polıseıler. Iaǵnı, araqqa sylqıa toıǵan Serik kólikte oıyna kelgenin istep, ishin búldirip tastapty. 

-Kelgen zalaldyń kólemi  30 myń teńge. Sonymen qatar bylapyt sózder aıtqan. Namysyna tıgen.

Jalpy, Esildiń sol jaǵalaýynda turatyn qyztekemen polıseıler jaqsy tanys. Óıtkeni, buǵan deıin de daýǵa qalyp, bólimshege talaı túsken eken..

Osylaısha, transgenderge buzaqylyq babymen ákimshilik is qozǵaǵan polıseıler tonaý oqıǵasyn Seriktiń oıdan shyǵarǵanyn aıtady. Soǵan qaraǵanda, onyń shaǵymy boıynsha aryz sol kúıi qabyldanbaıtyn sekildi. Kerisinshe, taksıshige til tıgizgeni úshin ózi  10 táýlikke qamalyp nemese 20 myń teńge aıyppul tóleýi múmkin. 

Sholýshy: Aıgerim Taýbaı