Qylmys 13 maýsymda oryn aldy, dep jazady Qamshy aqparattyq agenttigi.

Kókshetaýda Aqmola oblystyq sotynyń qylmystyq ister jónindegi alqa tóraǵasy Janna Berdiǵulova óz úıinde óltirildi. Bul jóninde Aqmola oblystyq İİD habarlaıly.

Mehanıkalyq tunshyqtyrý saldarynan qaıtys bolǵan 46 jastaǵy sýdıanyń denesi seısenbiniń tańynda tabylǵan.

Jumysqa kelmegen áıeldi áriptesteri óz úıinen óli kúıinde tapty.

Kúdikti retinde 33 jastaǵy Kókshetaý turǵyny ustaldy, onyń 2006 jyly adam ólimi boıynsha sottalǵany anyqtaldy. Er adam óz kinásin moıyndaǵan.

«QR QK 99 babyna sáıkes is qozǵaldy», dedi Aqmola oblystyq İİD baspasóz hatshysy Gúlnar Pınchýk.

Qazirgi tańda tergeý jumystary júrgizilýde. 

Sholýshy: Gúlim Jaqan