Shymkenttiń mamandandyrylǵan qylmystyq sotynda Ońtústik Qazaqstan oblysynyń úsh turǵynyna qatysty sot sheshim shyǵardy dep habarlaıdy Qamshy aqparattyq agentigi Otyrar.kz-ke silteme jasap.

Ótken jyldyń qarasha aıynda túski 12-de qalanyń ortalyǵynda úsh er adam rólde áıel otyrǵanyn paıdalanyp, Toyota Land Cruiser kóligin aıdap ketken. Áıelge kúsh kórsetip, ony ózderimen birge qala syrtyna alyp ketken. Sol jerde kólik ıesin tastap, ózderi urlanǵan kólikterdi satýmen aınalysatyn adamǵa kólikti tapsyrýǵa shyqqan.

Tekserý barysynda ustalǵan úsh er adamnyń buǵan deıin de kólik urlaýmen aınalysqany belgili boldy.

Sot olardy ózgeniń densaýlyǵy men ómirine qaýip tóndirip, múligine qol salý boıynsha kináli dep taýyp, 10 jyldan 11,5 jylǵa deıin bas bostandyǵynan aıyrdy. Olar jazasyn qatań túzetý mekemesinde óteıdi. Sheshim áli zańdy kúshine enbedi.

Sholýshy: ÁsemÁlmuhanbet