Aqmola oblystyq soty Janna Berdiǵulovanyń ólimine qatysty pikir bildirdi. Oblystyq sottyń baspasóz hatshysy Kúlásh Domalaqovanyń aıtýynsha, qylmystyq ister jónindegi sot alqasynyń tóraıymy Janna Berdiǵulova qan qysymynyń kóterilgenin aıtyp, úıine erterek ketip qalǵan, dep habarlaıdy Qamshy aqparattyq agenttigi Tengrinews.kz saıtyna silteme jasap.

Kúlásh Domalaqova Berdiǵulova jumysqa shyqpaǵan kúni áriptesteri izdeı bastaǵanyn aıtyp berdi. Oblystyq sottyń qyzmetkerleri páterge kirip, jýyný bólmesinde onyń máıitin tapqan. Bastapqyda ol densaýlyǵy syr berip, qaıtys bolǵan degen nusqa qarastyrylǵan. Keıin jedel járdem shaqyrtylǵan, alaıda olar ólimge shaqyrtý almaıtynyn aıtqan. Sondyqtan oqıǵa ornyna quqyq qorǵaý organdary shaqyrtylǵan. Al keıin sot-medısınalyq saraptamadan áıeldiń qylǵynyp ólgenin anyqtalǵan.

Janna Berdiǵulovanyń páterde jalǵyz turyp kelgeni anyqtaldy. Sonymen qatar, ustalǵan kúdiktiniń isi boıynsha eshqandaı da qylmystyq isti onyń júrgizbegeni belgili boldy.

Osyǵan deıin Kókshetaýda Aqmola oblystyq sotynyń apelásıalyq-qylmystyq ister jónindegi alqa tóraıymy Janna Bardiqulova óli tabylǵany habarlanǵan edi. Berdiqulovanyń máıiti 13 maýsymda tabylǵan. Marqumnyń áriptesteri onyń jaqyndary men tanystaryna kóńil bildirip jatyr. Janna Berdiqulova nebári 46 jasta bolǵan.  Jedel-izdestirý sharalarynyń barysynda osy qylmysty jasady degen kókshetaýlyq ustalǵan. Ol 1984 jylǵy, asa aýyr qylmysy úshin sotty bolǵan. Ol qylmysyn moıyndaǵan.

Janna Berdiǵulova sot júıesinde 28 jyl qyzmet etken.