Búginde bótenniń múlkin urlaý úlken máselege aınalyp otyr. Resmı derek boıynsha, Astanada jasalatyn urlyqtyń 80 paıyzy – qalta urlyǵy. Ásirese qoǵamdyq oryndarda avtokólik tonaý, uıaly telefon urlyǵy, qurylys obektileri men páter tonaý tıylmaı keledi. 

İshki ister mınıstri Qalmuhanbet Qasymov uıaly telefondardy urlaýǵa qarsy kúres týraly aıtyp berdi, - dep habarlaıdy Qamshy aqparattyq agenttigi.

"Uıaly telefondy urlaýdy paıdasy ári mánsiz etý boıynsha shara qoldanyp jatyrmyz. Urlǵan adam ony ózi paıdalana almaıtyn nemese sata almaıtyn bolý kerek. Qajetti sharalar júzege asyrylyp jatyr. Tek uıaly baılanys operatorlarymen sheshetin tehnıkalyq jáne uıymdastyrýshylyq máseleler bar", - deıdi Qasymov halyqpen eseptik kezdesýi kezinde. 

Qazaqstanda qalta urylarynyń qolyna eń ońaı ári eń kóp túsetin «olja» - ol uıaly telefon. Buny quqyq qorǵaýshylar da rastap otyr. Bas prokýratýranyń janyndaǵy zańdylyqty, quqyqtyq tártipti jáne qylmysqa qarsy kúresti qamtamasyz etý jónindegi úılestirý keńesiniń otyrysynda belgili bolǵandaı, Qazaqstanda tirkelgen 100 urlyq faktisiniń 21-i uıaly telefonǵa qatysty eken.

Sholýshy: Aıgerim TAÝBAI