Depýtattar eýrazıalyq ekonomıkalyq ıntegrasıa jaǵdaıynda ekonomıkalyq yntymaqtastyqty damytý týraly Qazaqstan men Qyrǵyzstan úkimetteri arasyndaǵy Kelisimdi ratıfıkasıalaýdy maquldady, dep habarlaıdy Qamshy aqparattyq agenttigi abctv.kz portalyna silteme jasap.
Bul týraly QR ulttyq ekonomıka mınıstrliginiń baspasóz qyzmeti habarlady. Qazaqstan Ulttyq ekonomıka mınıstri Tımýr Súleımenov zań jobasyn palatanyń jalpy otyrysynda tanystyra kelip, atalǵan Kelisimge 2016 jylǵy 26 jeltoqsanda Sankt-Peterbýrg qalasyndaǵy EýrazEO múshe-memleketteri basshylarynyń jumys babyndaǵy kezdesýi aıasynda qol qoıylǵanyn atap ótti.
«Kelisimge sáıkes qazaqstandyq tarap Qyrǵyz Respýblıkasynyń Eýrazıalyq ekonomıkalyq odaqqa ıntegrasıasy úderisine járdemdesý maqsatynda qyrǵyz tarapyna 100 mıllıon AQSH dollaryna barabar kómek kórsetedi», – dedi Súleımenov.
Ol kómek qyrǵyz tarapyna Qyrǵyz Respýblıkasynyń Eýrazıalyq ekonomıkalyq odaqqa qosylýy jónindegi «Jol kartalarynda» kózdelgen is-sharalardy iske asyrýǵa, atap aıtqanda EýrazEO kedendik shekarasynyń qyrǵyz ýchaskesinde kedendik ınfraqurylymdy jaqsartýǵa, Qyrǵyz Respýblıkasynyń sanıtarıalyq, veterınarıalyq, fıtosanıtarıalyq júıelerin EýrazEO talaptarymen sáıkestendirýge beriletinin habarlady.
