Jezqazǵan mańyna qulaǵan zymyrannyń mán-jaıy anyqtaldy. Jezqazǵan túbine qulaǵan zymyran qırandysynda qaterli geptıl joq, - dep habarlaıdy  Qamshy aqparattyq agenttigi QR TJK resmı ókili Rýslan Imanqulovqa silteme jasap. 

14 maýsymda keshki ýaqytta qoldanýshylar WhatsApp messendjeri arqyly Jezqazǵan mańyndaǵy Talap aýylyna zymyran qulaǵany týraly habar taraǵan. 

Habarlamada zymyran qırandysynda adam ómirine óte qaýipti hımıalyq ýly zat bar delindi. Aýyl turǵyndaryna esik pen terezelerdi jabý kerektigi aıtyldy.  Balalardy kóshege shyǵarmaý týraly eskertilidi. Bul habarlamaǵa baılanysty jáne zymyrannyń qulaýy jaıynda QR TJK resmı ókili Rýslan Imanqulov aıtyp berdi. 

Imanqulovtyń aıtýynsha, 14 maýsymda keshki ýaqytta rasynda da Jezqazǵan mańyna zymyran qırandysy qulaǵan.  "Dalada órt bolǵany týraly derek rastaldy, órt zymyrannyń óńdelgen qaldyǵynyń qulaýy kezinde shyqqan. Alaıda qırandyda geptıl joq - bul naqty málimet. Qazirgi ýaqytta órtti sóndirý boıynsha jáne onyń eldi mekenge jaqyndatpaý boıynsha jumys júrgizilip jatyr", - dep habarlady ol. 

Sholýshy: Aıgerim TAÝBAI