14-16 maýsym aralyǵynda Astanada Qazaqstanda Eýropa kúnin atap ótý aıasynda Eýropa kınofestıvali ótýde. Bıyl kórermender nazaryna Eýropalyq Odaqqa múshe memleketterdiń úzdik kınofılmderi usynylady. Festıvál baǵdarlamasyna Chehıa, Avstrıa, Shvesıa, Estonıa, Ispanıa, Slovenıa, Germanıa, Fransıa, Nıderlandy, Lıtva, Rýmynıa, Slovakıa jáne Latvıa elderinde túsirilgen 13 fılm kirdi dep habarlaıdy Qamshy aqparattyq agenttigi.

Kıno týyndylary arasynda ártúrli janrdaǵy kıno salasyndaǵy halyqaralyq marapattardyń júldegerleri men úmitkerleri bar, atap aı̆tqanda, 1987 jylǵy «Oskar» syı̆lyǵynyń úzdik sheteldik fılm atalymyna úmitker - "Derevenka moıa sentralnaıa" fılmi (Chehıa), Eýropa kınoakademıasynyń júldegeri, 10 "Goı̆ıa" syı̆lyǵynyń ıegeri - "Mınıatúrnyı̆ ostrov" (Ispanıa) fılmi, Rýmynıa kınematografıster odaǵy syı̆lyǵynyń ıegeri - "Obezglavlennyı̆ petýh" fılmi jáne kóptegen basqalary.

14 maýsym kúni festıvál ashylýynda kórermenderge Fınlándıa, Estonıa men Germanıa birigip túsirgen "Fehtovalshık" fılmi kórsetiledi. 2015 jyly atalmysh fılm «Altyn globýs» syı̆lyǵynyń shetel tilindegi úzdik fılm atalymyna usynyldy, al 2016 jyly Fınlándıanyń ulttyq «Iýssı» kınojúldesiniń 2015 jylǵy úzdik fılmi ataǵyn ıelendi

Sharanyń ashylý saltanatyna Qazaqstandaǵy Eýropalyq Odaq Ókildiginiń Basshysy, Elshi Traıan Hrıstea, Fınlándıanyń Qazaqstandaǵy Elshisi Ilkka Reı̆sanen jáne Estonıanyń Ýaqytsha senimdi ókili Pıter Mıller qatysady.

«Bizdiń jyl saı̆yn uı̆ymdastyrylatyn eýropalyq kınofestıvalderimiz – Eýroodaqtyń «birlik – sanalýandylyqta» uranynyń kórinisi.Festıvál baǵdarlamasynda ártúrli janrdaǵy fılmder usynylǵan – kókeı̆testi, ómirdegi eń mańyzdy máselelerdi qozǵaı̆tyn, ári, eń bastysy, qyzyqty týyndylar. Eýropalyq kıno ondaǵy áserli, ózindik erekshelikterge toly oqıǵa jelisimen jáne baıandalatyn oqıǵalardyń ózektiligimen ózgeshe. Kınofestıval, ıgi dástúrge aı̆nala otyryp, Qazaqstandaǵy Eýropa kúnin atap ótý sharasynyń keremet aıaqtalýyna muryndyq bolatynyna, sonymen birge, eýropalyq bolmys álemine saıahattaýǵa múmkindik beretinine senimdimin», - dep atap ótti Elshi Traıan Hrıstea.

Festıváldiń qorytyndy kúni, 16 maýsymda, qazaqstandyq rejıser Katerına Sývorovanyń "Zavtra more" fılminiń kórsetilimi, sondaı̆-aq,rejıserdiń kórermendermen kezdesýi ótedi. "Zavtra more" derekti fılmi burynǵy Aral teńizi jaǵalaýy turǵyndarynyń ómiri týraly baıandaı̆dy. Fılm Robert Bosh atyndaǵy nemis qory taǵaı̆yndaı̆tyn grant júldegeri bolyp tabylady. Fılmniń tusaýkeseri 2016 jyly tamyzda Lokarno kınofestıvalinde ótken bolatyn.

.