«Qazaq memleketine – 550 jyl» shyǵarmashylyq báıgesine!

Tarıh-Ana! Myńdaǵan jyl tolǵatyp, Jaryq Kúndi tartý ettiń, shúkir myń! Mápelediń, áldılediń qolǵa alyp, Moınymyzǵa Qazaq degen qut ildiń.   Kókbóri edim, kókiregimmen aıǵa ulyp, Kókjıekti mise tutpaı kóshkenmin. Temirqazyq – Atajurtqa baılanyp, Deshti Qypshaq, Turanymdy dos kórdim.   Áziz basym Kók Táńirge bas uryp, Altyn adam –  Saq bolǵanmyn áýeli. Ǵun kezimde Atılla bop atylyp, Ozyq boldy shaıqasymnyń máneri.   Qańly menen úısin bolyp uıystym, Qarǵa-tamyr qaýym boldym máýeli. Kók Túrki bop myń qushaqpen túıistim, Tulǵam endi kók tiregen Taý edi.   Arǵy tegin Úsh Arystan quraǵan, Túgel Túrki túp atasy – Qazaqpyz: Bir úmbet el! Buryn edik bir Adam, Jarty álembiz, ǵalamat kúsh, ǵajappyz!   Arqamyzǵa asqaraly júk artyp, Uly kóshke – órkenıetke iliktik. Kúlip júrip, jyladyq ta, jubattyq, Qara jerge jasymyzdy jibittik.   Tini, dili, dini, tili bir elmiz, Máńgi-baqı bir bolýǵa anttasqan. Tórt qubylamyz, tórt kózimiz túgelmiz, Baba ǵurpy esh úzilmeı jalǵasqan.   Bodandyqta bordaı tozyp, úgildik, Qul-qamyttan birjolata qutyldyq. Haqty tanyp, Jaratqanǵa júgindik, Máńgilik El bolamyz dep jutyndyq!   Týǵan elim – Táńir bergen baqytym, Túp negizim – álimsaqtan jumyr jer. Jeti qat kók – samǵap ushar baǵytym, Qazaǵyma Allah, pyraq-ǵumyr ber!   Jeti qat kók – perishteler mekeni, Ǵarshy jaqqa jaqyn bolý armanym. Men senemin, tóbem kókke jetedi, Ýa, Topyraq, batańdy ber, samǵadym!   Bul ǵasyrdyń sógilgende kóbesi, Jahut ǵasyr qol bulǵaıdy, qarashy: Gúl jaınap tur máńgi eldiń Nurtóbesi – Kúltóbeniń kún baptaǵan balasy!   Sáýegeıge senedi eken jurt áli, Boljaǵanda keler ǵasyr tóresin. Anyq Tóre - Kúlteginniń urpaǵy, Máńgilik el «QAZAQSTAN» - ol esim!   P.S. Adamzattyń bárin súıer baýyr dep, izgiliktiń shashyp júrer bombasyn, dańqy erteń turatuǵyn dáýirlep, Haq Taǵalam Uly elimdi qoldasyn!