Almaty aýdandyq sotynyń sýdıasy Qaırat Imanqulov 34 jastaǵy Qapshaǵaı turǵyny Janna Ómirovany dinı arazdyqty qozdyryp, terorızmdi nasıhattady degen aıyp boıynsha bes jyl bas bostandyǵynan aıyrdy, dep habarlaıdy Qamshy aqparattyq agenttigi Ortalyq Azıa jańalyqtaryna silteme jasap.

Úkim memlekettik aıyptaýshynyń qatysýymen, biraq memleket taǵaıyndaǵan advokatsyz oqyldy. Sottalýshy Janna Ómirova sheshimmen kelispeıtinin, apelásıalyq shaǵym beretinin aıtty.

Janna Ómirova úkim aldynda sońǵy sózin aıtyp, ózin sottamaýyn suraǵan edi. Ol kishkentaı eki bala tárbıelep otyrǵanyn jáne zeınettegi múgedek anasyna qarap otyrǵanyn eskerýin suraǵan. Sottalýshy sonymen birge ózine qatysty isti arnaıy qyzmet ádeıi uıymdastyrǵanyn, ózi terorızmdi nasıhattamaǵanyn aıtady.

Janna Ómirova bıyl qańtar aıynda ustalǵan.

Onyń kámelettik jasqa tolmaǵan eki balasy qazir 65 jastaǵy anasynyń qolynda.

Sholýshy: Gúlim Jaqan