Boxingnews24.com saıty WBA (Super), WBC, IBF jáne IBO nusqalary boıynsha orta salmaqtaǵy álem chempıony qazaqstandyq Gennadıı Golovkınge (37-0, 33 KO) Saýl Alvarespen (49-1-1, 34 KO) ótetin jekpe-jekten keıin kimmen judyryqtasýy múmkin ekenin topshalap kórdi. Bul týraly Qamshy aqparattyq agenttigi vesti.kz-ke silteme jasap habarlaıdy.

"Golovkın "Kanelomen" ótkizetin jekpe-jekten keıin qaıta mekıkalyq boksshymen ekinshi kezdesý (revansh) ótkizýi yqtımal nemese  Bıllı Djo Sonderspen, Andre Ýordpen, Denıel Djeıkobspen, Djermall Charlomen, Davıd Lememen, Djordj Groývzben, Djeıms Dıgeılmen, Kallým Smıtpen nemese Hılbert Ramıres sekildi boksshylarmen kezdesýi ótkizýi múmkin", - delingen saıtta.

Aıta keteıik, Golovkın - Alvares jekpe-jegi 16 qyrkúıekte Las-Vegastyń "T-Mobile Arena" sport kesheninde ótedi. Ýaqyt aıyrmashylyǵyna baılanysty atalǵan jekpe-jek Qazaqstanda 17 qyrkúıek kúni tańǵy saǵat 9:00-de tikeleı efırden kórsetiledi. 

Sholýshy: Aıgerim Taýbaı