Aqparat jáne komýnıkasıa mınıstrligi zorlyq-zombylyqtan zardap shekken balalardyń qaýipsizdigin qolǵa aldy, dep jazady Qamshy aqparattyq agenttigi.

Búgingi tańdaǵy jańalyq ataýlynyń teń jartysy derlik qorlyq kórgen balalar týrasynda ekeni málim. Ǵalamtordan sýretterin jarıalaıdy, esimderin ataıdy, koordınatalaryn kórsetedi. Biraq bul qanshalyqty qajet? Kámelet jasqa tolmaǵan balalardy jarıalaǵannan ne paıda? Kerisinshe olardyń qaýipsizdigin oılaıtyn kim bar? Osynyń bárin eskergen Aqparat jáne komýnıkasıa mınıstrligi zorlyq-zombylyq kórgen balalardy qorǵaýǵa kiristi. Naqty usynystary da bar.

«Zorlyq-zombylyq pen qorlyq kórgen balalar jaıynda aqparattardy, málimetterdi jarıalaýǵa tyıym salýdy usynamyz. Mundaı ádister balalardyń psıhologıasyna keri áserin tıgizýi múmkin», - deıdi QR Aqparat jáne komýnıkasıa mınıstri Dáýren Abaev.

Onyń ústine, mınıstrlik túbi sýısıdke ákelip soǵatyn, sondaı-aq ekstremızm, zorlyq, nashaqorlyq syndy toptardy buǵattaýdy jalǵastyryp keledi. Ótken jyly dál osyndaı 30 myń aqparat taratýshylardyń joly bógelgen. Al 2017 jyl bastalǵaly sýısıdke ákelip soǵatyn 500-ge jýyq top jabyldy. Jyl sońyna deıin ǵalamtor qoldanýshylary jańa «balalar paketi» dep atalatyn qyzmetti paıdalana alatyn bolady.

Atalmysh qyzmetti qosý arqyly balanyń qaýipti saıttarǵa kire almaıtynyna senimdilik tanytýǵa bolady. Balalar paketin arnaıy komısıa quratyn bolady. Mınıstr usynyp otyrǵan qyzmet tek saıttarǵa ǵana qatysty 

Sholýshy: Gúlim Jaqan