Jaqynda ǵana jahandy ábigerge salǵan WannaCry vırýsyna uqsas Petya vırýsy álemge taralyp barady dep jazady Qamshy.kz.

«Petá» vırýsy kompúterlerdi buǵattaıdy jáne deshıflaý úshin bıtkoınnan aqsha tóleýdi talap etedi. Qazirge deıin Reseı men Ýkraınadan «Rosneft»  «Bashneft» sıaqty alpaýyt kompanıalardy qosqanda 80 kompanıa zardap shekken.

Vırýsty taratýshylar WannaCry vırýsyna ushyraǵandarǵa qoıylǵan talap tárizdi $300 dollar bıtkoın aqshasyn suraǵan.

Petya.A  qatty dıkke zaqym túsiredi. MBR (Master Boot Record) jazý qujattaryn qulyptaıdy. Zaqymdalý barysy HR-menedjeri arqyly júredi. HR-maman Dropbox-qa siltemesi bar jalǵan hat alady. Ol arqyly «túıindemeler» júktep alýǵa tıis. Alaıda, keńeıtilimi  .EXE formatyndaǵy qujat júkteledi. Odan soń «ólimniń kók ekrany» kórinip, Petya.A júıeni bloktap tastaıdy.

Petya.A vırýsynan ásirese Ýkraına aıtarlyqtaı zardap shekken. Zaqym kórýshiler arasynda  Zaporojeoblenergo, Dneproenergo, Kıev metropolıteni, ýkraındyq mobıldi operator Kıevstar, LifeCell jáne ÝkrTeleKom, «Ashan» dúkeni , PrıvatBank, Borıspol áýejaıy jáne túrli uıymdar men qurylymdar bar.

Ýkraın Radasynyń «Halyqtyq front» depýtaty,   İİM ókili Anton Gerashenko kıbershabýylǵa reseılik arnaıy qyzmetterdi aıyptaǵan.

Eske salsaq, mamyrda taralǵan WannaCry vırýsynyń álem boıynsha zalaly $1 mıllıardqa baǵalanǵan.

Mamandar vırýsten saqtaný úshin derekkózi senimsiz elektrondy poshtalardy ashpaýdy, kompúter qatty dıskinde mańyzdy qujattardy belgili aralyqtarda kóshirmesin saqtap otyrýdy, antıvırýs baǵdarlamalarynyń sońǵy úlgide jańalanǵan bolýyn jáne qosýly bolýyn qadaǵalaýdy, senimsiz ınternet betterdi ashpaýdy eskertedi.