Eýropalyq komısıa amerıkalyq Google kompanıasyna 2,7 mıllıard AQSH dollary kóleminde aıyppul saldy. Bul týraly Qamshy aqparatyq agenttigi sheteldik BAQ-qa silteme jasap habarlaıdy.
Alpaýyt korporasıaǵa ǵalamtordaǵy izdeý júıesinde óz ústemdigin paıdalanyp, ádil básekelestik júrgizbedi degen aıyp taǵylyp otyr. Bul Eýroodaqtyń monopolıaǵa qarsy zańyna qaıshy kelgen. Eýrokomıssıa Google-ge osy áreketti doǵarýy úshin 90 táýlik ýaqyt berdi. 60 kún ishinde kompanıa kemshilikti joıý úshin qandaı qadam jasaǵany jóninde aıyptaýshylarǵa esep berýi tıis. Eger bul talap oryndalmasa, Alphabet-tiń kúndik aınalymyndaǵy qarjynyń 5 paıyzyna teń somada taǵy aıyp salynady.
Eýrokomıssıa ókilderiniń aıtýynsha, salynǵan aıyp mólsheri kompanıanyń quıtyrqylyq jasaǵan merzimi men sol aralyqta tapqan tabysyn eskere otyryp eseptelgen.
Sholýshy: Aıgerim Taýbaı
