Qazaqstandyq BAQ ókilderi kásibı merekelerin toılatyp júrgende, elimizde senat depýtattarynyń saılaýy bastalyp ketipti. Senat depýtattaryn saılaý arqyly memlekettiń bolashaǵy jasaqtalady. Elimizde bolyp jatqan túrli saısı bolsyn, áleýmettik bolsyn sheshimderdiń qabyldanyp, zań júzinde iske asyrylýyna da jaýapty sol depýtattar. Iá, qoǵamda depýtattardyń áleýeti zor, alaıda depýtat degen statýsyna qarap qana baǵalanatyny jasyryn emes. Ókinishtisi, quzyretin halyq baıqaı bermeıdi. Ne de bolsa, búgin, maýsymnyń 28-shi juldyzynda Elbasymyzdyń jarlyǵyna sáıkes QR Parlamenti Senatynyń depýtattarynyń kezekti saılaýy bastaldy. Senattyń 16 depýtattyq mandatyna 38 úmitker talasýdy bastady. 14 oblystan 3291 depýtat daýys berdi.
QR Parlamenti Senaty saılaýynda Qaraǵandy jáne Almaty oblystarynan ózge óńirlerde aldyn ala saılaýdyń qorytyndysy shyqty. Bul týraly arnaıy baspasóz máslıhatynda Ortalyq saılaý komısıasynyń múshesi Lázzat Súleımenova málimdegen edi.
Lázzat Súleımenova saılaý búllútenderine 38 kandıdat engizilgenin aıta kelip, Senat saılaýynyń qorytyndysy 2 kúnniń ishinde beligili bolatyndyǵyn málimdegen.
Eń kóp daýys jınaǵan kandıdattardyń arasynda is basyndaǵy 4 senator, 2 oblys ákiminiń birinshi orynbasary, 3 oblys ákiminiń orynbasary, bir oblys ortalyǵynyń ákimi, 1 oblystyq máslıhattyń hatshysy, bir joǵary oqý ornynyń rektory, saıası partıalardyń 2 ókili, 1 jeke sektor ókili jáne 1 arnaıy memlekettik organnyń ókili baryn aıtqan QR ortalyq saılaý komısıasynyń múshesi Konstantın Petrov.
Al saılaý naýqanyna qatysqan halyqaralyq baıqaýshylardyń sany - 172. Sheteldik BAQ ókilderiniń sany - 116. Barlyǵy - 288 baıqaýshy.
Aldyn ala saılaý qorytyndysyna sáıkes
Astanadan usynylǵan Edil Mamytbekov saılaý qorytyndysy boıynsha 92% jınaǵan, Nur Otan partısynyń qalalyq fılıalynyń tóraǵasyynń birinshi orynbasary qyzmetin atqarady.
Almatydan senator retinde usynylǵan 52 jastaǵy Dınar Núketaeva Qazaq memlekettik qyzdar pedagogıkalyq ýnıversıtetiniń rektory jáne burynǵy májilis depýtaty. Aldyn ala saılaý qorytyndysy boıynsha 94% daýys jınaǵan.
Aqsola oblysynan 61 jastaǵy Dáýren Ádilbekov oblys ákiminiń birnishi orynbasary boldy, saılaý qorytyndysy boıynsha 64,5% daýys jınady.
Aqtóbe oblysynda senator bolǵan 60 jastaǵy Muhtar Jumaǵazıev 93% daýys jınady, ol oblys ákiminiń orynbasary.
Almaty oblysynan senator bolǵan 46 jastaǵy Nurlan Qylyshbaev 91% daýys jınady.
Atyraý oblysy, 60 jastaǵy Ǵumar Dúısembaev oblys ákiminiń birinshi orynbasary, 82,44%.
Shyǵys Qazaqstan oblysy, 59 jastaǵy Dúısenǵazy Mýsın ákim orynbasary bolǵan, 93,57%.
Jambyl oblysy, 59 jastaǵy Abdaly Nuralıev oblys ákiminiń orynbasary, 87%.
Batys Qazaqstan oblysy, 52 jastaǵy Narıman Tóreǵlıev Oral qalasynyń ákimi, 80,41%.
Qaraǵandy oblysy, 57 jastaǵy Rysqalı Ábdikerov oblys máslıhatynyń hatyshysy, 82,5%.
Qostanaı oblysy, 55 jastaǵy Jeńis Nurǵalıev, 86,5%.
Qyzylorda oblysy, 59 jastaǵy Murat Bahtıaruly, 70,14%.
Mańǵystaý oblysy, 57 jastaǵy Baqtybaı Shelpekov, 76%.
Pavlodar oblysy, 60 jastaǵy Nurjan Nursıpatov Ulttyq qaýipsizdik komıtetiniń qyzmetkeri, 82,14%.
Soltýústik Qazaqstan oblysy, 61 jastaǵy Erik Sultanov burynǵy oblys ákimi, 85%.
Ońtústik Qazaqstan oblysy, 58 jastaǵy Álimjan Qurtaev Nur Otan partıasynyń oblystyq fılıaly tóraǵasynyń birinshi orynbasary, 82%.
Saılaý barysyn Ońtústik Koreıa men kórshiles Reseıden kelgen 14 halyqaralyq baıqaýshy baqylap, áleýmettik jeli arqyly tikeleı efırge shyǵyp otyrdy. QazAqparattyń málimetinshe, Ońtústik Koreıadan kelgen halyqaralyq baıqaýshy Chae Sýdýk saılaýdyń joǵary deńgeıde ótkenin aıtty.
«Búgingi saılaý maǵan óte unady. Barlyǵy saılaý zańyna saı, ashyq túrde ótti. Eshqandaı zańbuzýshylyqty baıqamadym. Adamdardyń júzderi jarqyn, kóńilderi kóterińki, mereke ekeni sezilip-aq tur», deıdi Chae Sýdýk.
Saılaýǵa qatysyp, óz tańdaýyn jasaǵan 327 depýtattyń 298-i Nurlan Naýryzuly Qylyshbaevqa daýys berdi. Osyndaı basymdyqqa ıe bolǵan ol Parlamenttiń Joǵarǵy palatasyna depýtat bolyp saılandy. Al onyń qarsylasy óz kezeginde búgin ózine senim bildirip, úlken úmit artqan jergilikti máslıhat depýtattaryna alǵysyn bildirdi.
«QR Parlamenti Senatynyń depýtattyǵyna úmitker retinde qatystym. Men úshin ashyq túrde barlyǵy ótti. 29 depýtat daýys berdi. Barlyǵyna rahmet aıtqym keledi. Osylaı qoldap, úmit artyp, maǵan óz daýystaryn bergenine rahmet», dedi úmitker Erkebulan Ómirzaqov.
Sholýshy: Gúlim Jaqan
