Shyǵys Qazaqstannyń Qytaımen shekarada jatqan shalǵaı aýyl turǵyndary endi elordaǵa 2 saǵatta jetetin boldy. Úrjar-Astana baǵytynda jańa áýe reısi ashyldy. Bul týraly Qamshy aqparattyq agenttigi Habar arnasyna silteme jasap habarlaıdy.

Aptasyna 4 ret qatynaıtyn reıste jolaýshylarǵa 40 oryndyqty AN-2 ushaqtary qyzmet etedi. Buǵan deıin aýdan ortalyǵynan Semeı, Óskemen, Almaty qalalaryna ǵana áýe qatynasy bar edi. Munyń bári aımaqtaǵy týrızmdi damytyp, Alakólge keletin saıahatshylar sanyn eseleýge jol ashady. EKSPO kórmesine de barys-kelis jandana túspek. Jospar boıynsha kelesi jyly áýejaıdy kúrdeli jóndeýden ótkizip, ushyp-qoný jolaqtaryn 1,5 shaqyrymǵa deıin uzartý kózdelip otyr. Iaǵnı bolashaqta «TÝ», «BOING» sıaqty alyp ushaqtar qabyldaýǵa da múmkindik týady.

 Bolat Bektemirov, Úrjar áýejaıynyń komendanty: - Astana men Almaty reısiniń 50 %-yn respýblıkalyq búdjetten tóleıdi. Al Semeı, Óskemen oblystyq búdjetten tólenedi. Bılet baǵasy Semeıge 7 myń, Óskemenge 8 myń, Astana men Almatyǵa 14 myń teńge.

Sholýshy: Aıgerim Taýbaı