Pavlodarda kýágerler jantúrshigerlik oqıǵa jaıly aıtyp berdi, - dep habarlaıdy Tengrinews.kz. 1 Mamyr kóshesindegi kópqabatty úılerdiń biriniń kireberisinen ishinde sábı jatqan qaǵaz paket tabylǵan. Paketti jergilikti   páter ıeleri kooperatıviniń aýla sypyrýshysy taýyp alǵan. Kýágerlerdiń aıtýynsha, úılerdiń biriniń aldynda qaldyrylǵan pakettiń ishindegi sábı óli bolǵan. "Búgin tańerteń aýla sypyrýshy kireberis jerdegi qoqystardy shyǵaryp tastamaqshy boldy. Sodan bir paketti baıqaǵan, qarasa ishinde óli sábı jatyr. Birden polısıa shaqyrdyq. Basqa eshteńe bilmeımiz", - dedi turǵyndar.

Sondaı-aq, turǵyndardyń aıtýynsha, olar ózderiniń úıinde júkti áıeldi baıqamaǵan. "Bul paketti bizge bireýler qaldyryp ketken bolýy múmkin", - deıdi olar. Rastalmaǵan málimetterge súıensek, bala shala týylǵan. Óńirlik polısıa departamentiniń baspasóz qyzmeti ázirshe eshqandaı pikir bildirgen joq.