Ortalyq komýnıkasıalar qyzmetiniń alańynda QR BǴM Joǵary jáne joǵary oqý ornynan keıingi bilim departamenti dırektorynyń orynbasary Gýlzat Kobenova jáne QR Bilim jáne ǵylym mınıstrliginiń Ulttyq testtileý ortalyǵynyń dırektory Ramazan ALIMKÝLOVTYŃ qatysýymen baspasóz konferensıa ótti dep habarlaıdy Qamshy aqparattyq agenttigi.
Ulttyq biryńǵaı testileý (budan ári-UBT) elimizdiń 165 UBT ótkizý pýnktterinde aǵymdaǵy jyldyń 20-27 maýsymy aralyǵynda jańa formatta ótkizildi. UBT-ǵa qatysýǵa 10(11) synyptardyń 92 827 túlegi ótinish berip, olardyń 67 627 (76,3%) qazaq tilinde jáne 20 968 (23,6%) orys tilinde tapsyrýǵa ótinish bergen. Jergilikti atqarý organdarynyń málimetinshe 35 000 asa túlekter UBT ótkizý pýnktterine (budan ári- UBTÓP) jetkizilip, tamaqpen qamtamasyz etilgen jáne olardyń 11 000 jatar jaımen qamtamasyz etilgen. Fakt boıynsha 88 583 adam testileýge qatysyp, ótinish berýshilerdiń 95,4% qurady.
UBT júrgizý úshin aımaqtarǵa 1815 Qazaqstan Respýblıkasynyń Bilim jáne ǵylym Mınıstrliginiń ókilderi (75% joǵary oqý oryndarynyń profesor-oqytýshy, 25% kolej muǵalimderi) jiberildi. Uıymdastyrý suraqtaryn sheshý men UBT monıtorıńin júrgizý úshin ótkizý oryndarynda bilim berý mekemeleriniń basshylarynan, jergilikti atqarýshy organdarynan, quqyqqorǵaý qyzmetteri, qoǵam men buqaralyq aqparat quraldar qyzmetterniń ókilderinen turatyn sany 965 adam memlekettik kommısıa qurylǵan. Sonymen qatar, aldyńǵy jyldardaǵy sıaqty UBTÓP-ke aýa baptaǵyshtar qoıylyp, medısınalyq (psıhologıalyq) kómek pýnktteri uıymdastyryldy jáne qaýipsizdik qamtamasyz etýshi qyzmetshiler kezekshilikte turdy. Aǵymdaǵy jyly birinshi ret bultty ınternet iske qosyldy. Bul qyzmet barlyq adamǵa Qazaqstannyń kez kelgen núktesinde ótip jatqan testileý barysyn qadaǵalaýǵa jáne quqyq buzýshylyq deńgeıin tómendetýge aıtarlyqtaı septigin tızizdi.
UBT-nyń ótkizý erejesi men tyıym salynǵan zattardy qoldanǵany úshin testileýden 12 adam shyǵaryldy. Testileý barysynda 85446 tyıym salynǵan zattar, sonyn ishinde 43394 elektrondyq qurylǵy (uıaly smartfon, roýter, modem jáne t.b) jáne 42052 qaǵaz júzinde (shpargalka, oqýlyqtar jáne t.b) alyndy.
Ótkizý oryndaryndaǵy jetekshi muǵalim - pán muǵalimderinen quralǵan appelásıalyq komısıa músheleriniń sany – 3300 adam, respýblıkalyq appelásıalyq komısıa – 54. Respýblıkalyq appelásıalyq komısıaǵa mazmuny boıynsha 199 test tapsyrmalary túsip, onyń 103 qanaǵattandyryldy. Tehnıkalyq sebepterge baılanysty kelip túsken 12 test tapsyrmanyń 7-i qanaǵattandyryldy.
Qazaqstan boıynsha bes pánnen UBT qorytyndysy boıynsha ortasha bal 80,5 % (múmkin bolǵan 140 baldan). Byltyrǵy jylǵy kórsetkish (múmkin bolǵan 125 baldan) 81 % boldy. Shektik deńgeıden, ıaǵnı 50 bal alǵan 74 517 ((84,1%), onyń ishinde 60-65 bal: 5935 (7,9%), 66-119 bal: 52 717 (70,7%), 120 – 139 bal – 5 064 (6,8%). Shektik deńgeıden óte almaǵandar sany 14 066 adam (15,8%).
Eń joǵary bal jınaǵan Almaty qalasyndaǵy «M.Maqataev atyndaǵy №140 gımnazıa» KMM bitirýshisi Tasan Saıat Eltaıuly – 139 bal, 7 adam – 138 bal jınady. 2017 jyly UBT ótkizý barysyndaǵy barlyq is-shara shtattyq tártipte ótti. Halyq UBT-nyń jańa formatyn jaqsy qabyldady.
Sholýshy: Ásem Álmuhanbet
