Sırıa prezıdenti Bashar Asadtyń portretimen alǵashqy ret ulttyq banknottar paıda boldy. Memleket basshysynyń sýreti 2 myń fýnt aqshasynda beınelengen, dep jazady Qamshy aqparat agentttigi. Bul týraly Reuters habarlaıdy.
2 maýsym kúni, jeksenbide Sırıa ortalyq bankiniń basshysy Dýraıd Dýrgam aqshany tanystyryp, sol kúni-aq aınalymǵa shyǵardy. Onyń sózderine qaraǵanda, taralym birneshe jyl buryn basylǵan, alaıda aınalymǵa shyqpaýyna soǵys pen aıyrbas baǵamynyń aýytqýy sebep bolǵan.
Jańa banknot 4 AQSH dollaryna teń. Bul ýaqytqa deıin Sırıanyń eń iri aqsha belgisi 1 myń fýnt bolǵan edi, onda 2000 jyly dúnıeden ótken prezıdent, Asadtyń ákesi Hafez ál-Asad beınelengen.
Sholýshy: Gúlim Jaqan
