Kanadada segiz aılyq sábıge tegin medısınalyq kómekke joldama alý úshin balanyń jynysy kórsetilmegen medısınalyq karta jazyldy, dep jazady Qamshy aqparat agenttigi. Bul jaǵdaı álemde alǵashqy ret oryn alýda.

Jergilikti BAQ-tyń habarlaýynsha, balanyń Korı Dotı esimdi ákesi ózin ne erkek, ne áıel sanamaıtyn kórinedi. Sol sebepti Korı Dotı bolashaqta balasy óz jynysyn ózi tańdaǵanyn qalaıdy.

Sábıdiń medısınalyq kartasynda «jynysy» dep turatyn baǵanynda latynsha «U» árpi belgilengen. Maǵynasy – «anyqtalmaǵan» degendi bildiredi.

Sondaı-aq Korı Dotı balanyń týý týraly kýálignde de jynysy jazylmaǵanyn qalap, bılikke júgindi.

Sırıl Atlı degen esim qoıylǵan sábı 2016 jyldyń qarashasynda Brıtnadyq Kolýmbıa provınsıasynda dúnıege kelgen. Ol ýaqytta sábıdi kýálandyrý jaıynda qujat daıyndaýǵa múmkindik bolmaǵan kórinedi.

Sholýshy: Gúlim Jaqan