Zamanaýı medısına men tehnologıa adamdardyń uzaq ári zor densaýlyqpen ómir súrýlerine múmkindik beredi. Keıbir adamdar, tipti, bir ǵasyrdan da uzaq ǵumyr keship jatady, dep jazady Qamshy aqparattyq agenttigi sheteldik BAQ-qa silteme jasap.

Bul qart kisi 109 jasta. Ol mundaı uzaq ómir súrýdiń qupıasyn ashyp, óziniń oıymen bólisti.

Djessı Gallan Shotlandıa turǵyny, búginde jasy 109-ǵa jetken. Ózi usaq fermerdiń otbasynda dúnıege kelgen, bastapqyda bul otbasynyń 2 bólmeden ǵana turatyn kishigirim úıleri bolǵan eken. Djessıdiń 5 ápkesi, 1 aǵasy bolǵan. Kedeı otbasyda dúnıege kelý Djessıge uzaq ómir súrýine bóget bola almady jáne de ol ár kúni úshin qýanyp júrýdi úırengen.

Djessı Gallan búginde 109 jasqa toldy. Al, onyń mundaı jasqa deıin ómir súrýine ómirlik ustanymdary kómek bolǵan eken. Jáne dál osy eki ustanymy ómirin tolyqqandy qyzyq etip ótkizýge múmkindik bergen.

Birinshi: erkekterden aýlaq bolý qajet jáne de kúnige suly botqasyn jeý kerek. Djessı Gallan eshqashan turmys qurmaǵan, «erkekter tym kóp jaǵymsyz máseleler týǵyzyp, keleńsizdikter alyp keledi», - deıdi ol. Ol únemi tańǵy asqa jyly suly botqasyn jeıdi jáne de áli kúnge deıin tańǵy jattyǵý jasaýyn toqtatqan emes.

Djessı Galannyń bir ǵasyrdan uzaq ómir súrýine onyń durys tamaqtaný, únemi fızıkalyq qozǵalystar men kúızeliske túspeıtindigi kómektesken.