Atyraý oblysy boıynsha úıirli shegirtkelerge qarsy 2017 jyly 19530 gektar aımaqta hımıalyq óńdeý sharalary júrgizildi, onyń 14170 ga ıtalándyq prýsqa, 5 360 ga azıattyq shegirtkege qarsy óńdeldi dep habarlaıdy Qamshy aqparattyq agenttigi QR ASHM Baspasóz qyzmetine silteme jasap.

Oblysta jáne barlyq aýdan jáne qalada jedel áreket etý shtabtary qurylyp, hımıalyq óńdeý sharalarynyń júrý barysyn qadaǵalap otyrdy.

Qyzylqoǵa aýdanynda bıylǵy jyly 11000 gektar jerge hımıalyq óńdeýler júrgizilip, tıimdiligi 87-90 paıyzdy qurady. Aqtóbe jáne Batys Qazaqstan oblystarynyń mamandarymen birlesken zertteýler ótkizilip, shekaralar mańynda shegirtkeden qaýiptyń anaǵurlym joq ekeni anyqtaldy.

Qazirgi tańda ýlanýǵa jatpaıtyn, ıaǵnı metodıkalyq nusqaýlyqqa sáıkes ekonomıkalyq zıandylyq sheginen aspaıtyn (1 sharshy metrge 5 dernásilge deıin) shegirtke zıankesteriniń ushýy saıabyrsyp, shaǵylysýǵa túse bastaǵan. Sodan keıin olardyń tabıǵı ólýi bastalady. Ushý jáne shaǵylysý kezinde daqyldarǵa zıany tımeıdi.

Bıylǵy jyly saıaq shegirtkelerdiń (nestadka) Mahambet, Inder jáne Qyzylqoǵa aýdandarynda sany kóbeıgeni baıqaldy. Oblystyq búdjette qarjy qaralmaǵandyqtan, saıaq shegirtkelermen kúres sharýalar esebinen júrgizildi.

Kelesi jylǵa saıaq shegirtkelerge qarsy kúres júrgizilý qajettiligi týraly Atyraý oblystyq ınspeksıasy tarapynan oblystyq aýyl sharýashylyǵy basqarmasyna 2017 jyly 31 mamyr kúni hat jiberildi.

Qazirgi tańda jalpy Atyraý oblysy boıynsha úıirli shegirtkelerge qarsy kúres jumystary tolyq aıaqtalyp, shegirtkelerdiń shaǵylysýy, tuqym salýy boıynsha monıtorıńtik jumystar júrgizilýde.

Sholýshy: Ásem Álmuhanbet